les di Sabbatskol
otro idioma
Les di sabbatskol kuartaal 2, aña 2022, Titula: Génesis
Les 1: Kreashon
E Deber di Humanidat
Lesa pa e siman aki:
Salmo 100:1–3; Génesis 1–2; Eks. 20:8–11; Eks. 40:33; Mat. 25:14–30; Mat. 19:7–9.
TEKSTO PRINSIPAL:
“Na prinsipio Dios a krea e shelunan i tera” (Génesis 1:1).
djaweps, 31-03-2022
Tan pronto ku Dios a krea e promé hòmber, El a ofres’é tres regalo: e Hòfi di Eden (Gen. 2:8), kuminda (Gen. 2:16), i e muhé (Gen 2:22).
Lesa Génesis 2:15–17. Kiko ta deber di hòmber pa ku kreashon i pa ku Dios? Kon e dos debernan akí ta relashoná ku otro?
E promé deber di hòmber enkuanto di e medio ambiente natural den kua Dios a pon’é “pa kuida i ward’é” (Gen. 2:15). E verbo ‘avad, “kuida”, ta referí na trabou. No ta sufisiente pa risibí un regalo. Nos mester traha riba dje i hasié fruktífero, un lès ku Hesus lo ripití den Su parabel di e talentonan (Mat. 25:14–30). E verbo shamar, “warda”, ta impliká e responsabilidat pa preservá loke bo a risibí.
E di dos deber ta konserní su kuminda. Nos tin ku kòrda ku Dios a dun’é na hende (lesa Gen. 1:29). Dios a bis’é tambe ku “bo por kome libremente” (Gen. 2:16). Hende no a krea e palunan, ni e kuminda riba nan. Nan tabata un regalo, un regalo di grasia.
Pero aki tin un mandamentu tambe aki: nan mester a risibí i disfrutá di e regalo generoso di Dios “di tur palu” . Komo parti di Su grasia, sinembargo, Dios ta añadí un restrikshon. Nan no mester a kome di un palu partikular. Disfrutá sin un restrikshon lo hiba na morto. E prinsipio akí tabata ei den e Hòfi di Eden i, den hopi forma, e mesun prinsipio ei ta eksistí awe.
E di tres deber di hòmber ta konserní e muhé, e di tres regalo di Dios: “hòmber lo bandoná su tata i mama i lo uni ku su esposa” (Gen. 2:24). E deklarashon ekstraordinario akí ta un ekspreshon poderoso ku ta enfatisá responsabilidat humano pa ku e pakto matrimonial i e propósito di ta “un karni”, ku ta nifiká un persona (kompará ku Mat. 19:7–9).
E rason ku ta e hòmber (i no e muhé) ku mester bandoná su mayornan por tin di aber ku e uso genériko bíbliko di e maskulino; pues, kisas, e mandamentu ta apliká na e muhé tambe. Di tur manera, e laso di matrimonio, aunke e ta un regalo di Dios, ta enserá responsabilidat humano unabes risibí e regalo, un responsabilidat ku ta riba tantu e hòmber komo e muhé pa kumpli fielmente.
Pensa riba tur loke Dios a duna bo. Kiko ta bo responsabilidatnan ku loke Dios a duna bo?