Les di sabbatskol kuartaal 2, aña 2022, Titula: GÉNESIS

Les 10: Yakob-lsrael

E Violashon di Dina

Lesa pa e siman aki:

n. 32:22-31; Hos. 12:3, 4; Yer. 30:5-7; Génesis 33; Gén. 34:30-35: 29.

TEKSTO PRINSIPAL:

"E ora ei e hòmber a bis'é: 'Lo bo no yama Yakob mas; pero Israel pasobra bo a lucha ku Dios i ku hende i bo a sali ganadó"' (Génesis 32:28).

djamars, 31-05-2022

Awor ku Yakob a rekonsiliá ku su rurnan hòmber, e ke establesé den e tera di Kánaan na pas. E palabra shalem, 'salvo' (Gén. 33:18), for di e palabra shalom, 'pas', pa promé biaha ta karakterisá su biahe.

Despues di a kumpra un pida tera for di e habitantenan (Gén. 33:19), e ta !anta un altar einan, demostrando su fe i su realisashon tokante kon dependiente riba Señor e ta realmente. Pa kada un di e sakrifisionan ofresé, tabatin un akto di adorashon.

Sinenbargo, pa promé biaha den su bida, Yakob-lsrael ta eksponé na e problemanan di establesé den e tera. Meskos ku Isak na Gerar huntu ku Abimelek (Gén. 26:1-33), Yakob ta purba haña akomodashon serka e kanaanitanan.

Lesa Lesa Génesis 34. Kiko a pasa pa konfundí su plannan di un eksistensia pasífiko?

E storia di e insidente baho akí ta enfatisá e ambigwedat di e personahenan i di nan akshonnan. E Shikem sensual, ku ta violá Dina, ta karakterisá tambe komo sinsero i ku ta stima Dina i ku ke purba hasi kambio. E ta asta dispuesto pa pasa den e rito di pakto di sirkunsishon. Mientrastantu, Simeon i Levi, ku ta presentá nan mes komo e defensoman di Dios i Su mandamentunan, i ku ta resistí matrimonio miksto ku e kanaanitanan (Lev, 19:29), ta akudí na mentira i engaño (Gén. 34:13) i ta kla pa mata i sakia (Gén. 34:25-27). Nan akshonnan no tabata solamente sensurabel (pa kiko no kastigá esun hòmber ku a hasié?) sino tabatin e potensial pa kousa hopi mas problema.

Pa loke ta trata Yakob, e ta preokupá solamente ku pas. Ora nan a reportá e violashon di su yu muhé na dje, e no ta bisa nada (Gén. 34:5). Sinembargo, despues ku ela tende tokante loke su yunan hòmber a hasi, e ta reprendé nan abiertamente pa motibu di loke por a sigui: "Boso a hinka mi den pertá. Awor e habitantenan di e lugá akí, e kanaanitanan i e perizitanan, lo haña rabia riba mi. Nan lo uní forsa i ataká mi, i komo nos ta muchu poko hòmber, nan lo mata ami i mi famia" (Gén. 34:30).

Bes tras bes nos ta mira mentira i engaño, komo tambe aktonan di bondat i grasia, den e relatonan aki. Kiko esaki ta bisa nos tokante naturalesa humano?

116