Les di sabbatskol kuartaal 2, aña 2022, Titula: GÉNESIS

Les 11: Jozef, Maestro di Soño

Huda i Tamar

Lesa pa e siman aki:

Génesis 37; Mat. 20:26, 27; Echonan 7:9; Génesis 38; Génesis 39; Gén. 40:1-41:36.

TEKSTO PRINSIPAL:

"Nan a bisa otro: 'Ata e hòmber ku sa soña ta bini"' (Génesis '37:19).

djamars, 07-06-2022

E storia di Tamar no ta fuera di lugá akinan. E insidente akí ta sigui e benta di Jozef na Egipto kronológikamente (Gén. 38:1), i e ta konsistente ku e echo ku Huda a kaba di bai laga su rumannan hòmber, loke ta mustra su desakuerdo ku nan. Ademas, e teksto ta kompartí un kantidat di palabra i motibu komun ku e kapítulo anterior, i e ta karga e mesun lès teológiko: un akto malbado ku lo kambia den un evento positivo konektá na salbashon.

Lesa Génesis 38. Kompará e komportashon di Huda ku esun di e kanaanita Tamar. Kua di nan dos ta esun mas hustu, i di kon?

Huda ta haña un esposa kanaanita (Gén. 38:2) ku kende e ta haña 3 yu hòmber, Er, Onan, i Shèla. Huda ta duna e kanaanita Tamar komo esposa na Er, su yu mayó, pa asina sigurá genealogia apropiá. Ora Dios a mata Er i Onan pa motibu di nan maldat, Huda ta primintí su último yu, Shèla, na Tamar.

Ora, despues di algun tempu, ta parse ku Huda a lubidá su promesa, ora e ta bai konsolá su mes despues di morto di su esposa, Tamar ta disidí di hunga ròl di prostituta pa asina fórs'é pa kumpli ku su promesa. Pa motibu ku Huda no tin sen pa paga e prostituta, ku e no ta rekonosé, e ta primintí di manda un kabritu for di su tou p'e mas despues.

Tamar, mientrastantu, ta rekerí pa e dun'é, tanten, komo un garantia di pago inmediato, su seyo i, kadena i su baston. Tamar lo Sali na estado di e enkuentro úniko akí. Ora mas despues, akusá di a hunga prostituta, e lo mustra e akusado Huda su seyo i kadena i su baston. Huda ta komprendé i ta pidi diskulpa.

E konklushon di e storia baho akí ta e nasementu di Peres, ku ta nifiká 'kibra sali', ku, meskos ku Yakob, a nase di dos, i a bira di promé, i a yam'é den historia di salbashon komo e antepasado di David (Ruth 4:18-22), i finalmente di Hesu-Kristu (Mat. 1:3). Pa loke ta Tamar, e ta di promé di e kuater muhénan, siguí pa Rahab (Mat. 1:5), Ruth (Matt. 1:5, 6), i e esposa di Urías (Mat. 1:6) ku genealógikamente a bai promé ku Maria, mama di Hesus (Mat. 1:16).

Un lès nos por saka for di e storia akí: meskos ku Dios a salba Tamar pa medio di Su grasia, transformando malu den bon, asina E lo salba Su pueblo pa medio di e krus di Hesus. I den kaso di Jozef, E lo kambia e problemanan di Jozef den salbashon di Yakob i su yunan hòmber.

128