les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 12: Jozef, Prens di Egipto
Mas Estudio:
Lesa pa e siman aki:
Gén. 41:37-46; 1 Reinan 3:12; Génesis 42; Rom. 5:7-11; Génesis 43; Génesis 44, Génesis 45.
TEKSTO PRINSIPAL:
"Fárao a añadí: 'Awor akí mi ta nombra bo gobernador di henter pais Egipto!"' (Génesis 41:41).
djabierne, 17-06-2022
Ellen G. White, 'Joseph in Egypt', p. 213-223; 'Joseph and His Brothers', p. 224-232 den Patriarchs and Prophets. 'E tres dianan di enkarselamentu tabata dianan di tristesa amargo pa e yunan di Yakob. Nan a reflekshoná riba nan kurso di pasado robes, spesialmente nan krueldat na Jozef. Nan tabata sa ku si a sentensiá nan di ta spion, i nan no por a trese evidensia pa klara nan mes, nan tur lo tabatin ku muri, òf bira katibu. Nan tabata duda ku si kualke esfuerso ku kualke un di nan lo por a hasi, lo a pone nan tata konsentí pa laga Benhamin bai for di serka dje, despues di e morto kruel ku, manera el a pensa, ku Jozef a sufri. Nan a bende Jozef komo un katibu, i nan tabatin miedu ku Dios a plania pa kastigá nan lagando nan bira katibu. Jozef ta konsiderá ku su tata i e famianan di su rumannan por ta sufriendo pa kuminda, i e ta konvensí ku su rumannan a arepentí di nan trato kruel na dje, i ku den ningun kaso nan lo a trata Benhamin manera nan a trat'é.'-Ellen G. White, Spiritual Gifts, buki 3, p. 155, 156. 'Jozef tabata satisfecho. El a tèst su rumannan, i a mira den nan e frutanan di berdadero arepentimentu pa nan pikánan.'-Ellen G. White, Spiritual Gifts, buki 3, p. 165.
Pregunta pa Diskushon:
1. Den klas, reflekshoná riba e pregunta na final di e estudio di djaweps. Bo ta kere ku Jozef lo tabata asina miserikòrdioso ku su rumannan si kosnan no a resultá asina bon p'e? Naturalmente, nos no por sa sigur, pero ki indikashon, si tin algun, den henter e storia di Jozef ta revelá na nos e tipo di karakter ku Jozef tabatin, ku lo por yuda splika su kortesia?
2. Den ki forma nos por mira den Jozef un tipo di prekursor di Kristu i loke Kristu a pasa aden?
3. Jozef a tèst su rumannan. Den ki forma similar Dios ta tèst nos?
4. Asta despues di tur e añanan ei, e rumannan a realisá nan kulpabilidat den loke nan a hasi ku Jozef. Kiko esaki ta siña nos tokante kon poderoso kulpabilidat por ta? I aunke Dios por pordoná nos i nos aseptá e pordon di Dios, kon nos ta siña pordoná nos mes, Sin importá kon indigno nos ta di e pordon ei?
143