les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 12: Jozef, Prens di Egipto
Jozef i Benhamin
Lesa pa e siman aki:
Gén. 41:37-46; 1 Reinan 3:12; Génesis 42; Rom. 5:7-11; Génesis 43; Génesis 44, Génesis 45.
TEKSTO PRINSIPAL:
"Fárao a añadí: 'Awor akí mi ta nombra bo gobernador di henter pais Egipto!"' (Génesis 41:41).
djamars, 14-06-2022
Yakob no por a permití e partida di Benhamin fásilmente, su úniko yu hòmber ku Raquel ku a keda serka dje. E tabatin miedu ku e lo a perd'é, manera ya el a pèrde Jozef (Gén. 43:6-8). Ta solamente ora no tabatin mas kuminda (Gén. 43:2) i ora Huda a hura pa garantisá e regreso di Benhamin (Gén. 43:9), Yakob a konsentí finalmente pa un di dos bishita na Egipto i a permití Benhamin bai huntu ku su rumannan.
Lesa Génesis 43. Ki efekto Benhamin su presensia tabatin riba e kurso di evento?
Benhamin su presensia a dominá e eventonan. Ora tur e rumannan ta para dilanti di Jozef, Benhamin ta e úniko persona ku Jozef ta mira (Gén. 43:16). Benhamin ta e úniko ku e ta yama 'ruman' (Gén. 43:29). Miéntras e ta yama Benhamin na nòmber, e no ta identifiká e otro rumannan; e ta referí na nan simplemente komo 'hòmbernan' (Gén. 43:16).
Jozef ta yama Benhamin 'mi yu', komo un ekspreshon trankilisante di afekshon spesial (Gén. 43:29; kompará ku Gén. 22:8). E bendishon di Jozef ta referí na 'grasia' (Gén. 43:29), rekordatorio di su roga mentu pa grasia, ku no tabata inminente (Gén. 42:21). Jozef ta duna Benhamin e grasia ku e no a risibí for di su otro rurnannan bèk.
Miéntras e rumannan di Jozef tin miedu ku lo tira nan den prizón pa motibu di e plaka ku a bai bèk, Jozef ta prepará un bankete pa nan pa motibu di Benhamin su presensia. Tabata komo si fuera Benhamin tabatin un efekto redentor riba henter e situashon. Ora tur e rumannan ta sintá di akuerdo ku nan edat i respekto e reglanan di honor, ta Benhamin, esun di mas hóben, nan ta sirbi sinku biaha mas ku tur e otro rumannan (Gén. 43:33, 34). I tòg, e faboritismo akí no ta molestiá nan, manera tabata e kaso ora Jozef tabata e faborito di su tata hopi aña pasá, loke a hiba na nan akshonnan teribel pa ku tantu nan mitar ruman komo nan propio tata (Gén. 37:3, 4).
'Pa medio di e muestra di fabor akí na Benhamin el aspera di averiguá si nan tabata konsiderá su ruman di mas chikítu ku e envidia i odio ku nan a manifestá pa su mes. Suponiendo ainda ku Jozef no tabata komprendénan idioma, e rumannan tabata kombersá libremente ku otro; esei tabata un bon oportunidat pa haña sa di nan sintimentunan real. Ainda e tabata ke tèst nan mas aleu, i promé ku nan salida, el a ordená pa skonde su propio kopa di plata ku e tabata bebe for di dje den e saku di esun mas hóben.'-Ellen G. White, Patriarchs and Prophets, p. 228,229.
140