Les di sabbatskol kuartaal 2, aña 2022, Titula: GÉNESIS

Les 13: Israel na Egipto

Mas Estudio :

Lesa pa e siman aki:

Génesis 46; Rom. 10:12, 13; Génesis 47; Génesis 48; Echonan 3:25, 26; Génesis 49; Fil. 2:10; Gén. 49:29-50:21.

TEKSTO PRINSIPAL:

"E israelitanan a keda biba na Egipto, nan a tuma e region Goshen pa nan. Ei nan a haña mashá hopi desendiente" (Génesis 47:27).

djabierne, 24-06-2022

Ellen G. White, 'Joseph and His Brothers', den Patriarchs and Prophets, p. 233-240. 'Bida di Jozef ta ilustrá bida di Kristu. Ta envidia a stimulá e rumannan di Jozef pa bend'é komo un katibu; nan a spera di prevení ku e lo bira mas grandi ku nan mes. I ora a hib'é Egipto, nan a gaba nan mes ku nan no mester tabata preokupá mas ku su soñonan, ku nan a kita tur posibilidat di nan kumplimentu. Pero Dios a revoká nan propio kurso pa kousa e evento mes ku nan a plania pa stroba. Asina e saserdote i ansianonan hudiu tabata yalurs riba Kristu, temiendo ku E lo a atraé e atenshon di e pueblo for di nan. Nan a laga mat'E, pa prevení ku E lo bira rei, pero asina nan tabata produsiendo e mes resultado akí.

'Jozef, a traves di su sklabitut na Egipto, a bira un salbador pa e famia di su tata; sinembargo, e echo akí no a redusí e kulpa di su rumannan. Asina e krusifikashon di Kristu pa su enemigunan a hasiE e Redentor di humanidat, e Salbador di e rasa kaí, i Gobernante riba henter mundu; pero e krímen di Su asesinonan tabata mesun hororoso komo si fuera e man providensial di Dios no a kontrolá eventonan pa Su propio gloria i e bon di hende.

'Manera su propio rumannan a bende Jozef na e paganonan, asina un di Hesus Su disipelnan a bend'E na Su enemigunan di mas amargá. A akusá Jozef falsamente i a tir' é den prizón pa motibu di su birtut; asina nan a despresiá i a rechasá Kristu pa motibu ku Su bida apnegá i hustu tabata un sensura pa piká; i aunke E no tabata kulpabel di nada malu, nan a konden'E riba testimonio di testigunan falsu. I Jozef su pasenshi i mansedumbre bou di inhustisia i opreshon, su pordon mesora i benevolensia nobel pa ku su rumannan innatural, ta representá e Salbador Su resistensia resigná di e malisia i abusu di hòmbernan malbado, i Su pordon, no solamente di Su asesinonan, sino di tur ku a bin serka djE konfesando nan pikánan i buskando pordon.'-Ellen G. White, Patriarchs and Prophets, pp. 239, 240.

Pregunta pa Diskushon:

1. Unabes ku Yakob a muri, e rumannan di Jozef tabatin miedu ku awor Jozef lo a buska revancha. Kiko esaki ta siña tokante e kulpabilidat ku ainda nan tabatin? Kiko e reaksbon di Jozef ta siña nos tokante pordon pa esun kulpabel?

2. Ki otro paralelo bo por haña entre Jozef i Hesus?

3. Reflekshoná riba e echo ku, aunke Dios konosé futuro íntimamente, ainda nos ta liber pa hasi nos propio eskoho. Kon nos ta rekonsiliá e dos ideanan akí?

155