Les di Sabbatskol

djadumingu, 19-06-2022

Lesa Génesis 46. Kiko ta nifikashon di e salida di Yakob for di Kanaan?

Ora Jakob bandoná su lugá na Kanaan, e ta yen di speransa. E siguransa ku e lo no tin hamber mas, i e bon notisia ku Jozef ta bibu, mester a dun'é e impulso ku e tabatin mester pa bandoná e Tera Primintí.

Yakob su salida ta eko e eksperensia di Abraham, aunke den kaso di Abraham e tabata bai direkshon pa e Tera Primintí. Yakob ta tende e mesun promesa ku Abraham a tende di Dios, es desir ku E lo hasié 'un gran nashon' (Gén. 46:3; kompará ku Gén. 12:2). E yamada di Dios akinan ta tambe rekordativo di e aliansa di Dios ku Abraham; na tur dos okashon Dios ta usa e mesun palabranan trankilisante 'no tene miedu' (Gén. 46:3; kompará ku Gén. 15:1), ku ta karga e promesa di un futuro glorioso.

E lista amplio di nòmber di e yunan di Israel ku a bai Egipto, inkluyendo su yunan muhé (Gén. 46:7), ta kòrda nos riba Dios Su promesa di fertilidat na Abraham asta ora e tabata sin yu ainda. E number 'setenta' (inkluyendo Yakob, Jozef, i su dos yunan hòmber) ta ekspresá e idea di totalidat. Ta 'henter Israel' ta bai Egipto. Ta signifikante tambe ku e number 70 ta korespondé na e kantidat di nashon (Génesis 10), sugeriendo ku e destino di tur e nashonnan ta tambe den wega den e biahe di Yakob.

E bèrdat akí lo bira mas evidente solamente hopi aña despues, despues di e krus i e revelashon mas kompleto di e plan di salbashon, loke, naturalmente, tabata pa henter humanidat, tur kaminda, i no sola­ mente e yunan di Abraham.

Den otro palabra, aunke kon interesante e storianan ta enkuanto di e famia akí, e simia di Abraharn, i loke sea ta e lèsnan spiritual ku nos por saka for di nan-e relatonan akí ta den e Palabra di Dios pasobra nan ta partí di historia di salbashon; nan ta parti di e plan di Dios pa trese redenshon na mas tantu hende posibel riba e planeta kaí akí.

"No tin diferensia entre hudiu i no hudiu, pasobra ta e mesun Señor ta Señor di tur i t'E ta duna abundantemente na tur ku invok'É. Pasobra Skritura ta bisa: 'Tur ku invoká nòmber di Señor lo ta salbá"' (Rom. 10:12, 13). Kiko Pablo ta bisa aki ku ta mustra e universalidat di evangelio? Mas importante ainda, kiko e palabranan akí ta bisa nos enkuanto di loke nos komo iglesia rnester ta hasiendo pa yuda plama e evangelio?

150