Les di sabbatskol kuartaal 2, aña 2022, Titula: GÉNESIS

Les 13: Israel na Egipto

Yakob ta Bendishoná Su Yunan

Lesa pa e siman aki:

Génesis 46; Rom. 10:12, 13; Génesis 47; Génesis 48; Echonan 3:25, 26; Génesis 49; Fil. 2:10; Gén. 49:29-50:21.

TEKSTO PRINSIPAL:

"E israelitanan a keda biba na Egipto, nan a tuma e region Goshen pa nan. Ei nan a haña mashá hopi desendiente" (Génesis 47:27).

djarason, 22-06-2022

Lesa Génesis 49:1-28. Kiko ta e nifikashon spiritual di e bendishon di Yakob riba su yunan hòmber?

Mas ayá di e profesianan enkuanto di e historia inmediato di e tribunan di Israel, Yakob ta mira e Mesías i e speransa final di salbashon. E speransa akí Yakob a indiká kaba den su promé palabranan "den e dianan ku ta bin" (Gén. 49:1, , Beibel Santu), un ekspreshon tékniko ku ta referí na e binida di e rei mesiániko (Isa. 2:2, , Dan. 10:14).

Despues e teksto ta pasa den e liña futuro di kada un di e hòmbernan akí. Esaki no ta destino predestiná, komo si fuera Dios tabata ke pa kada un di esakinan lo a enfrentá loke nan a enfrentá; mas bien, nan ta ekspreshon di loke nan karakter i e karakter di nan yunan lo a produsí. Ku Dios sa, por ehèmpel, ku un hende lo mata un hòmber inosente ta un kos radikalmente diferente for di ku Dios tabata ke pa e asesino hasié.

Lesa Génesis 49:8-12. Kua profesia ta duná aki, i di kon e ta importante?

Riba i ariba di boluntat liber humano, Dios konosé futuro, i El a regla ku lo tabata a traves di Huda ku e Mesias lo a bin. Huda (Gén. 49:8-12), ku ta representá pa un leon (Gén. 49:9), ta referí na soberanía i alabansa. Huda lo produsí Rei David, pero tambe Silo, es desir, esun ku lo trese shalom, 'pas' (Isa. 9:6, 7); E 'nashonnan lo obedesé' (Gén. 49:10).

Pa hopi tempu e hudiunan a mira esaki komo un profesia mesiániko kµ ta mustra na e Mesías ku ta bin, i kristiannan tambe a mira e teksto akí komo mustrando na Hesus. "É nashonnan lo obedesé!" (Gén. 49:10), ku ta, kisas, un prekursor na e promesa di Tèstamènt Nobo "ku pa e nòmber di Hesus tur rudia mester dobla" (Fil. 2:10, , Beibel Santu).

Manera Ellen G. White a skirbi: 'E leon, rei di selva, ta un símbolo ku ta pas ku e tribu akí, for di kua David a bin, i e Yu di David, Silo, e berdadero 'Leon di e tribu di Huda', na kende tur poder finalmente lo buig i tur nashon lo rindi homenahe.'-Patriarchsand Prophets, p. 236.

Di kon nos mester ta rindiendo homenahe na Hesus aworakí, asta promé ku tur nashon lo basié?

153