Les di sabbatskol kuartaal 2, aña 2022, Titula: GÉNESIS

Les 13: Israel na Egipto

Israel na Egipto

Lesa pa e siman aki:

Génesis 46; Rom. 10:12, 13; Génesis 47; Génesis 48; Echonan 3:25, 26; Génesis 49; Fil. 2:10; Gén. 49:29-50:21.

TEKSTO PRINSIPAL:

"E israelitanan a keda biba na Egipto, nan a tuma e region Goshen pa nan. Ei nan a haña mashá hopi desendiente" (Génesis 47:27).

sabbat, 18-06-2022

Génesis ta kubri e último añanan di Yakob i Jozef huntu. Nos ta mira Yakob (Israel) bandoná Kanaan (Génesis 46) pa asina establesé na Egipto (Génesis 47), i einan e lo muri (Gén. 49:29-50: 21). l tòg, asta den e senario egipsio, e prospekto di e Tera Primintí ainda ta vislumbrá grandi den trasfondo (Gén. 50:22-26).

Asina ku Yakob yega Egipto, Yakob ta bendishoná fárao (Gén. 47:7-10), asina kumpliendo (parsialmente, naturalmente) e promesa abrahámiko di ta un bendishon pa e nashonnan (Gén. 12-:3). Mas despues, na punto di muri, Yakob ta bendishoná e yu hòmbernan di Jozef (Génesis 48). Yakob ta bendishoná tambe su propio yu hòmbernan (Gén. 49:1-28) i ta hasi predikshonnan impreshonante enkuanto di kada un di nan den konteksto di e futuro 12 tribunan di Israel (Gén. 49:1-27).

E echo, sinembargo, ku Israel ta 'biba' den eksilio, na Egipto komo strañero, ta den tenshon ku e speransa di e Tera Primintí. I aunke e buki di Génesis mes ta terminá ku e yunan di Israel na Egipto, algun di e último palabranan di Jozef ta mustra na un otro lugá: "Pronto lo mi muri, pero Dios lo yuda boso i saka boso for di e pais akí, pa hiba boso na e tera ku El a primintí Abraham, lsak i Yakob bou di huramentu" (Gén. 50:24).

Studia e lès di e siman akí pa prepará .pa Sabat, 25 dí yüni.

149