les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 2: E Kaida
E Kaida
Lesa pa e siman aki:
Génesis 3; 2 Kor. 11:3; Rev. 12:7–9; Juan 8:44; Rom. 16:20; Hebr. 2:14; 1 Tim. 2:14, 15.
TEKSTO PRINSIPAL:
“I lo Mi pone enemistat entre abo i e muhé, i entre bo simia i su Simia; E lo heridá bo kabes, i abo lo heridá Su hilchi” (Génesis 3:15).
sabbat, 02-04-2022
Meimei di tur loke Dios a duna nos promé mayornan den Eden a bin tambe un spièrtamentu: “Di tur palu di e hòfi boso por kome libremente; ma di e palu di konosementu di bon i malu boso lo no kome, pasobra riba e dia ku boso kome di dje boso lo muri siguramente” (Gen. 2:16,17). E spièrtamentu akí kontra kome di e palu di konosementu di bon i malu (Gen. 2:16,17) ta mustra nos ku, aunke nan mester a konosé bon, nan no mester a konosé malu.
Definitivamente nos por komprondé dikon, no ta bèrdat?
I, tambe, e menasa di morto konektá na e spièrtamentu tokante desobedensia (Gen. 2:17) lo a kumpli: nan lo muri (Gen. 3:19). No solamente prohibí pa kome di e palu, Dios a saka nan tambe for di e Hòfi di Eden (Gen. 3:24), i asina no tabatin akseso na loke por a duna nan bida eterno komo pekadornan (Gen. 3:22).
Sinembargo, meimei di e tragedia akí ta bin speransa, kua ta haña den Génesis 3:15, , yamá e protoevangelium, òf “e promé promesa di e evangelio”. Sí, e versíkulo akí ta presentá e promé promesa di e evangelio hañá den Beibel, e promé bia ku ta bisa hende ku, apesar di e Kaida, Dios a traha un kaminda di eskape pa nos tur.
Studia e lès di e siman akí pa prepará pa Sabat, 9 di aprel.