Les di sabbatskol kuartaal 2, aña 2022, Titula: GÉNESIS

Les 4: E Diluvio

Fin di Diluvio

Lesa pa e siman aki:

n. 6:13-7:10, 2 Pe. 2:5-9, , Génesis 7, Rom. 6:1-6, , Salmo 106:4, , Génesis 8, Gén. 9:1-17.

TEKSTO PRINSIPAL:

"Meskos ku a pasa den tempu di Noe, lo pasa dia e Yu di hende bini" (Mateo 24:37).

djamars, 19-04-2022

nesis 7:22-24 ta deskribí e efekto aplastante i total di e awanan, ku "tur El a bari for di riba mundu (Gén. 7:23) i "Shentisinkuenta dia largu mundu a keda tapá bou di awa"(Gén. 7:24). Ta kontra e trasfondo akí di destrukshon i desesperashon total 'Dios no a lubidá' (Gén. 8:1). E frase akí ta situá den sentro di e tekstonan ku ta kubri Diluvio, un indikashon ku e idea akí ta e mensahe sentral di e storia di Diluvio.

Lesa Génesis 8:1. Kiko ta nifiká ku Dios 'no a lubidá' riba Noe?

E verbo zakhar, 'korda', ta nifiká ku Dios no a lubidá; e ta mas ku solamente un ehersisio mental. Den konteksto bíbliko e 'Dios kende ta kòrda' ta nifiká e kumplimentu di Su promesa i hopi biaha ta referí na salbashon (wak Gén. 19:29). Den konteksto di Diluvio, 'Dios no a lubidá' ta nifiká ku e awanan 'a stòp' (Gén. 8:2) i ku Noe pronto lo ta kapas pa bandoná e arka (Gén. 8:16).

Aunke Dios no a duna mandato direkto ainda pa bai, Noe ta tuma e inisiativa i ta manda un raf promé, i despues un palomba, pa tèst e situashon. Finalmente, ora e palomba no a bin bèk, e ta komprendé ku "e awa a bai kompletamente. Ora Noe a kita un partí di e dak di e arka, el a nota ku tera a bira seku" (Gén. 8:13).

E komportashon di Noe ta riku na lès práktiko. Na un banda, e ta siña nos konfia Dios aunke E no papia direktamente ainda; na otro banda, fe no ta ninga e balor di pensa i tèst. Fe no ta ekskluí e deber di pensa, di buska, i di mira si loke nos a siña ta bèrdat.

I tòg, Noe ta salí solamente ora Dios, finalmente, bis'é pa hasi esei (Gén. 8:15-19). Es desir, asta ora e sa ku ta seif pa bai, Noe ainda ta dependé riba Dios i ta warda riba e señal di Dios promé ku e salí for di e arka. El a warda ku pasenshi den e arka. 'Manera el a drenta riba mandato di Dios, el a spera pa direkshonnan spesial pa bai Al final un angel a baha for di shelu, a habri e porta masivo, i a bisa e patriarka i su kas pa salí bai riba tera i hiba ku nan tur kos bibu.'-Ellen G. White, Patriarchs and Prophets, p. 105.

Lesa Génesis 8:1, Génesis 19:29, , i Salmo 106:4. Kiko e ekspreshon 'Dios no a lubidá' ta nifiká? Kiko e bèrdat akí ta nifiká pa nos, awor-es desir, kon Dios a mustra bo ku E 'ta kòrda' riba bo?

44