les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 4: E Diluvio
Mas Estudio:
Lesa pa e siman aki:
Gén. 6:13-7:10, 2 Pe. 2:5-9, , Génesis 7, Rom. 6:1-6, , Salmo 106:4, , Génesis 8, Gén. 9:1-17.
TEKSTO PRINSIPAL:
"Meskos ku a pasa den tempu di Noe, lo pasa dia e Yu di hende bini" (Mateo 24:37).
djabierne, 22-04-2022
Un komparashon entre e mentalidat i e komportashon di e hendenan i e estado di mundu promé ku Diluvio i esun di e hendenan den nos tempu ta partikulannente instruktivo. Pa ta sigur, maldat humano no ta un fenómeno nobo. Wak e paralelonan entre nan tempu i esun di nos. 'E pikánan ku a yama pa vengansa riba e mundu antediluviano ta eksistí awe. E temor di Dios a sali for di kurason di hende, i ta trata Su lei ku indiferensia i despresio. E aktitut mundano intenso di e generashon ei ta igual ku esun di e generashon ku ta biba aktualmente Dios no a kondená e anti diluvianonan pa kome i bebe. Nan piká tabata konsistí di tuma e regalonan akí sin gratitut na e Dunadó, i degradá nan mes komplasiendo apetit sin restrikshon. Tabata legal pa nan kasa. Matrimonio tabata den e órden di Dios; e tabata un di e promé institushonnan ku El a establesé. El a duna guia spesial tokante e ordenansa akí, bistiendo e ku santidat i bunitesa; pero nan a lubidá e guianan akí, i nan a degenerá matrimonio i a atend'é ku pashon. Un kondishon similar di kosnan ta eksistí awor. E loke ta legal den su mes ta hibá na ekseso Froude i soborno i ladronisia ta sluip sin reproche den lugánan haltu i abou. E temanan di prensa ta abundá ku registro di asesinato Espiritu di anarkia ta penetrá den tur nashon, i e brotenan ku ratu ratu ta eksitá e horor di mundu ta djis indikashonnan di e kandela di pashon i desórden reprimí ku, unabes nan a skapa kontról, lo yena tera ku aflikshon i desolashon. E kuadro ku lnspirashon a duna di e mundu antediluviano ta representá demasiado real e kondishon na unda sosiedat moderno ta purando lihé pa bai. Asta awor, den e siglo aktual, i den teranan supuestamente kristian, tin krímennan kometé diariamente, mes pretu i teribel ku esnan pakiko Diosa destruí e pekadónan di antaño.'-Ellen G. White, Patriarchs and Prophets, p. 101, 102
Pregunta pa Diskushón:
1. Kiko ta e karakterístikanan komun di e sosiedat promé ku Diluvio i esun di nos? Kiko e karakterístikanan komun akí ta siña nos tokante e grasia di Dios ku, apesar di tur esaki, E ta stima mundo i ta tratando ainda pa salba ken ku E por?
2. Algun hende ta argumentá ku e diluvio di Noe tabata solamente un evento lokal. Kiko tin robes ku e idea ei? Si esakí tabata bèrdat, di kon tur diluvio lokal (i tur regenbog) lo a hasi Dios un gañadó?
47