les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 4: E Diluvio
E Aliansa: Parti Unu
Lesa pa e siman aki:
Gén. 6:13-7:10, 2 Pe. 2:5-9, , Génesis 7, Rom. 6:1-6, , Salmo 106:4, , Génesis 8, Gén. 9:1-17.
TEKSTO PRINSIPAL:
"Meskos ku a pasa den tempu di Noe, lo pasa dia e Yu di hende bini" (Mateo 24:37).
djarason, 20-04-2022
Awor ta e momento ku e aliansa primintí mester a kumpli. "pero ku bo lo Mi sera mi aliansa. Lo bo drenta e arka ku bo kasá, ku bo yu hòmbernan i nan kasá"(Gén. 6:18). Kontrali na e menasa divino pa destruí (Gén. 6:17), e aliansa akí ta e promesa di bida.
Lesa Kiko ta e promé kos ku Noe a hasi ora el a sali for di e arka, i di kon?
Meskos ku Adam i Eva, ku siguramente a adorá Dios riba Sabat inmediatamente despues di e seis dianan di Kreashon, Noe a adorá Dios inmediatamente despues di Diluvio, un otro evento di kreashon den i di su mes. Tin un diferensia, sinembargo, entre e dos aktonan di adorashon. Diferente for diAdam i Eva, ku a adorá Señor direktamente, Noe mester a rekurí na un sakrifisio. Esaki ta e promé menshon den Skritura di un altar. E sakrifisio ta un 'sakrifisio kimá' ('olah), e sakrifisio di mas bieu i di mas frekuente. Pa Noe, e sakrifisio akí tabata un sakrifisio di gradisimentu (kompará ku Num. 15:1-11), duná pa asina ekspresá gratitut na e Kreador, kende a salb'é.
Lesa Génesis 9:2-4. Kon Diluvio a afektá dieta humano? Kiko ta e prinsipio tras di e restrikshonnan di Dios?
Pa motibu die efekto di Diluvio, alimento vegetal no tabata disponibel mas manera e tabatin kustumber di ta. Pa e motibu ei, Dios a permití hende kome karni di animal. E kambio di dieta akí a generá un kambio den e relashon entre hende i animal, kontrali na loke tabata entre nan den Kreashon original. Den e relato di Kreashon, hende i animal tabata kompartí e mesun dieta vegetal i no tabata menasá otro. Den e mundu despues di Diluvio, matamentu di animal pa kuminda tabata impliká un' relashon di miedu i teror (Gén. 9:2). Unabes nan a kuminsá kome otro, hende i animal, sin duda, a desaroyá un relashon bastante diferente for di loke nan tabata gosa di dje den Eden.
E toleransia di Dios, sinembargo, tabatin dos restrikshon. Na promé lugá, no ta tur e animalnan tabata apropiá pa kuminda. Esun di promé tabata implisito den e distinshon entre animal 'limpi i impuru', ku tabata parti di e órden di Kreashon (wak Gén. 8:19, 20; kompará ku Gén. 1:21, 24). Esun di dos tabata eksplisito i nobo i tabata pa apstené di konsumo di sanger, pasobra bida ta den e sanger (Gén. 9:4).
45