les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 4: E Diluvio
E Aliansa: Parti Dos
Lesa pa e siman aki:
Gén. 6:13-7:10, 2 Pe. 2:5-9, , Génesis 7, Rom. 6:1-6, , Salmo 106:4, , Génesis 8, Gén. 9:1-17.
TEKSTO PRINSIPAL:
"Meskos ku a pasa den tempu di Noe, lo pasa dia e Yu di hende bini" (Mateo 24:37).
djaweps, 21-04-2022
Lesa Génesis 8:21-9:1. Kiko ta nifikashon di Dios Su kompromiso pa preservashon di bida? Kon e bendishon di Dios ta kumpli ku e kompromiso ei?
Dios Su kompromiso pa preservá bida tabata un akto di grasia; e no tabata un resultado di mérito humano. Dios a disidí di preservá bida riba tera apesar di maldat humano (Gén. 8:21). Génesis 8:22 ta bisa, literalmente: "Tanten mundu ta eksistí"; es desir, tanten ku e tera presente ta permanesé, e temporadanan lo bin i bai i bida lo ta sostené. Den poko palabra, Dios no a bandoná Su kreashon.
De echo, e siguiente teksto, ku ta papia tokante e bendishon di Dios, ta hiba nos bèk na e Kreashon original, ku su bendishon (Gén. 1:22, 28; Gén. 2:3). Señor, den un sentido, tabata dunando humanidat un chens pa kuminsá di nobo, pa kuminsá fresku.
Lesa Génesis 9:8-17. Kiko ta nifikashon di e regenbog? Kon e 'señal di e aliansa' aki (Gén. 9:13) ta relatá na e otro señal di e aliansa, e Sabat?
Ta ripití e frase "establesé ... aliansa" tres biaha (Gén. 9:9, 11, 17), markando e klímaks i kumplimentu di e promesa inisial di Dios (Gén. 6:18). Despues di e sekshon promé, ku ta paralelo ku e di seis día di e relato di Kreashon, e sekshon akí ta paralelo na e sekshon ku ta kubri e di shete día di e relato di Kreashon, e Sabat. Den e teksto, e ripitishon shete biaha di e palabra 'aliansa', ta resoná huntu ku Sabat. Meskos ku Sabat, e tegenbog ta e señal di e aliansa (Gén. 9:13, 14, 16; kompará ku Eks. 31:12-17). Tambe, meskos ku Sabat, e regenbog tin un ekstenshon universal; e ta apliká na henter murtdu. Meskos ku Sabat, komo un señal di Kreashon, ta pa tur hende, tur kaminda, e promesa ku niun otro diluvio mundíal lo bin ta pa tur hende, tur kaminda, tambe.
Siguiente biaba ku bo mira un regenbog, pensa riba tur e prome sanan di Dios na nos. Di kon nos por konfia e promesanan ei, i kon e regenbog ta mustra nos ku nos por konfia nan?
46