les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 5: Tur Nashon i Bábel
Tur Nashon i Bábel
Lesa pa e siman aki:
Gén. 9:18-11:9, Lukas 10:1, , Mat. 1:1-17, , Lukas 1:26-33, , Salmo 139:7-12, , Gén. 128, Gén. 9:1.
TEKSTO PRINSIPAL:
"Einan SEÑOR a bruha Ienga di henter humanidat. For di einan El a pone nan plama riba henter mundu. P'esei e siudat yama Bábel" (Génesis 11:9).
sabbat, 23-04-2022
Despues di Diluvio, e relato bíbliko ta kambia di e enfoke riba e individuo singular, Noe, pa su tres yu hòmbernan, 'Sem, Ham, i Yafet'. E atenshon partikular riba Ham, tata di Kánaan (Gén. 10:6, 15), ta introdusí e idea di 'Kánaan', e Tera Primintí (Gén. 12:5), un antisipashon di Abraham, kende su bendishon lo bai pa tur nashon (Gén. 12:3).
Sinembargo, e liña ta kibra na e Toren di Bábel (Gén. 11:1-9). Un biaha mas ta interumpí e plannan di Dios pa humanídat. Loke tabata suponé di ta un bendishon, e nasementu di tur nashon, ta bira un otro okashon pa un otro maldishon. E nashonnan ta uni pa asina purba tuma lugá di Dios; Dios ta respondé den huisio riba nan; i, a traves di e konfushon ku a resultá, e hendenan ta plama rònt mundu (Gén. 11:8), asina kumpliendo ku e plan original di Dios pa 'yena mundu' (Gén. 9:1).
Al final, apesar di maldat humano, Dios ta kambia malu den bon; E tin, manera semper, e último palabra. E maldishon di Ham den tènt di su tata (Gén. 9:21, 22) i e maldishon di e nashonnan konfundí na e Toren di Bábel (Gén. 11:9) finalmente lo kambia den un bendishon pa e nashonnan.
Studia e lès di e siman akí pa Sabat, 30 di aprel.
53