Les di sabbatskol kuartaal 2, aña 2022, Titula: GÉNESIS

Les 5: Tur Nashon i Bábel

Un Idioma

Lesa pa e siman aki:

n. 9:18-11:9, Lukas 10:1, , Mat. 1:1-17, , Lukas 1:26-33, , Salmo 139:7-12, , Gén. 128, Gén. 9:1.

TEKSTO PRINSIPAL:

"Einan SEÑOR a bruha Ienga di henter humanidat. For di einan El a pone nan plama riba henter mundu. P'esei e siudat yama Bábel" (Génesis 11:9).

djamars, 26-04-2022

Lesa Génesis 11:1-4. Di kon e hendenan di 'henter tera' tabata asina ansioso pa logra unidat?

E frase 'henter tera' ta referí na un kantidat chikitu di hende, esnan bibu despues di Diluvio. E motibu pa e reunion akí ta klaramente indiká: nan ke konstruí un toren pa alkansá e shelunan (Gén. 11:4). De echo, nan intenshon real ta pa tuma lugá di Dios mes, e Kreador. Konsiderablemente, e deskripshon di e intenshon i akshonnan di e hendenan ta eko e intenshonnan i akshonnan di Dios den e relato di Kreashon: 'nan a bisa' (Gén. 11:3, 4; kompará ku Gén. 1:6, 9, 14, , etc.); 'laga nos traha' (Gén. 11:3, 4; kompará ku Gén. 1:26). Nan intenshon ta deklará eksplísitamente: ''Laga nos traha uh nòmber pa nos mes" (Gén. 11:4, Beibel Santu), un ekspreshon ku ta usá eksklusivamente pa Dios (Isa. 63:12, 14).

Den un palabra, e konstruktornan dí Babel a konsiderá e ambishon fuera di lugá pa remplasá Dios, e Kreádor. (Nos sa ta ken a inspirá esei, no ta bèrdat? (Wak Isa. 14:14.) E rekuerdo di Diluvio siguramente mester a hunga un ròl den nan proyekto: Nan ta konstruí un toren haltu pa asina sobrebibí un otro diluvio, si un otro mester a bin, apesar di e promesa di Dios. Nan a preservá e rekuerdó di Diluvio den tradishon babilóniko, aunke trosé, en konekshon ku e konstrukshon di e stat di Babel (Babilonia). E esfuerso akí di bai ariba pa alkansá'shelu i usurpá Dios lo, enbèrdat, kárakterisá e spiritu di Babilonia. Ta p'esei e storia di e"Torén di Babel ta un tema asina importante den e buki di Daniel tambe. E referensia na Sinar, ku tá introdusí e storia di e Toren di Bábel (Gén. 11:2), ta bolbe aparesé na prinsipio di e buki di Daniel, pa asina señalá e lugá kaminda Nebukadnesar a trese e artíkulonan di e tèmpel di Herusalem (Dan. 1:·2). Entre hopi otro pasashi di e buki, e episodio di Nebukadnesar lantando e estatua di oro, probablemente riba e mesun lugá den e mesun 'plenchi', ta esun di mas ilustrativo di e kuadro di mente akí.

Den su vishonnan di e fin, Daniel ta mira e mesun senario di e nashonnan di tera reuniendo pa logra unidat kontra Dios (Dan. 2:43, , Dan. 11:43-45; kompará ku Rev. 16:15, 16), aunke e intento akí ta faya akinan, manera el a hasi ku Bábel tambe.

Un famoso eskritor franses sekular den siglo pasá a bisa ku e propósito di mas grandi di humanidat tabata pa purba 'ta Dios'. Kiko tin ku nos, kuminsando ku Eva den Eden (Gén. 3:5), ku ta hala nos den e mentira peligroso aki?

56