les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 5: Tur Nashon i Bábel
E Maldishon di Ham
Lesa pa e siman aki:
Gén. 9:18-11:9, Lukas 10:1, , Mat. 1:1-17, , Lukas 1:26-33, , Salmo 139:7-12, , Gén. 128, Gén. 9:1.
TEKSTO PRINSIPAL:
"Einan SEÑOR a bruha Ienga di henter humanidat. For di einan El a pone nan plama riba henter mundu. P'esei e siudat yama Bábel" (Génesis 11:9).
djadumingu, 24-04-2022
Lesa Génesis 9:18-27. Kiko ta e mensahe di e storia straño akí?
E akto di Noe den su kunuku di wendruif ta eko Adam den Hofi di Eden. E dos storianan ta kontené motibunan komun: kome di e fruta i resultá den desnudes; despues un kubrimentu, un maldishon, i un bendishon. Noe ta bolbe konektá na su raisnan adámiko i, desafortunadamente, ta sigui ku e historia fayá ei.
Fermentashon di fruta no tabata partí di e kreashon original di Dios. Noe a satisfasé su mes, despues a pèrde kontrol riba su mes, i a eksponé su mes. E echo ku Ham 'a mira' su sunú ta hasi sugerensia na Eva, ku tambe 'a mira' e palu prohibí (Gén. 3:6). E paralelo akí ta sugerí ku Ham no a djis 'mira' den skondí, pa kasualidat, e sunú di su tata. El a bai rònt i a papia di dje, sin sikiera purba dil ku e problema di su tata. Kontrali na esei, e reakshon inmediato di su rumannan pa tapa nan tata, miéntras Ham a bai lag'é sunú, implísitamente a denunsiá e akshonnan di Ham.
E problema den wega aki ta mas tokante e respet pa un hende su mayornan. Faya di honra bo mayornan ku ta representá bo pasado, lo afektá bo futuro (Eks. 20:12; kompará ku Efe. 6:2). Ta p'esei e maldishon, ku lo influensiá futuro di Ham i esun di su yu hòmber Kanaan.
Naturalmente, ta un eror teológiko grave i un krimen étiko pa usa e teksto akí pa hustifiká teorianan rasista kontra kualke hende. E profesia ta restringí estriktamente na Kánaan, yu hòmber di Ham. E outor bíbliko tin algun di e práktikanan korupto di e kanaanitanan den mente (Gén. 19:5-7, 31-35).
Ademas, e maldishon ta kontené un promesa di bendishon, hungando riba e nòmber 'Kánaan', ku ta derivá di e verbo kana', ku ta nifiká 'someté'. Ta a traves di sumishon di Kánaan, e pueblo di Dios, desendientenan di Sem, lo drenta e Tera Primintí i prepará kaminda pa e binida di e Mesías, kende lo engrandesé Yafet 'den e tentnan di Sèm' (Gén. 9:27). Esaki ta un alushon profétiko na ekspanshon di Dios Su aliansa na tur nashon, ku lo brasa e mensahe di salbashon di Israel na mundu (Dan. 9:27, , Isa. 66:18-20, , Rom. 11:25), E maldishon di Ham, de echo, lo ta un bendishon pa tur nashon, inkluyendo kualke desendiente di Ham i Kánaan aseptá e salbashon ku Señor a ofresé nan.
Noe, e 'héroe' di Diluvio, burachi? Kiko esaki mester bisa nos tokante kon defektuoso nos tur ta i di kon nos tin mester di e grasia di Dios tur momento di nos bida?
54