les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 5: Tur Nashon i Bábel
Redenshon di e Eksilio
Lesa pa e siman aki:
Gén. 9:18-11:9, Lukas 10:1, , Mat. 1:1-17, , Lukas 1:26-33, , Salmo 139:7-12, , Gén. 128, Gén. 9:1.
TEKSTO PRINSIPAL:
"Einan SEÑOR a bruha Ienga di henter humanidat. For di einan El a pone nan plama riba henter mundu. P'esei e siudat yama Bábel" (Génesis 11:9).
djaweps, 28-04-2022
Lesa Génesis 11:8, 9 i Génesis 9:1; kompará ku Génesis 1:28. Di kon Dios Su plamamentu la redentivo?
Dios Su plan i bendishon pa hende tabata ku nan lo a "multipliká, i yena mundu" (Gén. 9:1; kompará ku Gén. 1:28). Kontra e plan di Dios, e konstruktoman di Bábel a preferá pa keda huntu komo e mesun pueblo. Un motibu ku nan a bisa ku nan ker a konstruí e stat tabata pa asina nan lo no a "plama riba henter mundu"(Gén. 11:4). Nan a rechasá di muda bai otro kaminda, kisas pensando ku huntu nan lo tabata mas poderoso ku si nan lo tabata separá i plamá. I, den un sentido, nan tabatin rason.
Desafortunadamente, nan a purba usa nan poder uní pa malu, no pa bon. Nan ker a 'traha un nòmber pa nos mes', un reflekshon poderoso di nan propio arogansia i orguyo. Enbèrdat, ki ora ku hende, den desa fio habrí di Dios, ke 'traha un nòmber' pa nan mes, nos por ta sigur ku e lo no resultá bon. Nunka el a hasi esei.
Por lo tantu, den un huisio kontra nan desafio apsoluto, Dios a plama nan a lo largu di 'henter mundu' (Gén. 11:9), eksaktamenteloke nan no tabata ke pa sosodé.
A propósito, e nòmber Bábel, ku ta nifiká 'porta di Dios' ta relatá na e verbo balal, ku ta nifiká 'konfundí' (Gén. 11:9). Ta pasobra nan ker a yega te na e 'porta' di Dios, pasobra nan a pensa di nan mes komo Dios, nan a terminá konfundí i muchu ménos poderoso ku promé.
'E hòmbernan di Bábel a determiná pa establesé un gobiemu ku mester tá independiente di Dios. Tabatin algun meimei di nan, sinembargo, ku tabata teme Señor, pero ku e pretenshonnan di esnan impio a engañá nan i a hala nan den nan intriganan. Pa benefisio di esnan fiel, Señor a retrasá Su huisionan i a duna e hendenan tempu pa revelá nan berdadero karakter. Según ku esaki tabata desaroyá, e yunan di Dios a traha pa bira nan for di nan propósito; pero e hendenan tabata totalmente uní den nan esfuerso pa provoká Shelu. Si nan a sigui sin restrikshón, nan lo a demoralisá e mundu den su infansia. Nan komplot tabata fundá den rebelion; un reino establesé pa halsamentu propio, pero den loke Dios lo no tabatin ni dominio ni honor.'-Ellen G. White, Patriarchs and Prophets, p. 123.
Di kon nos mester ta masha kuidadoso tokante purba 'traha un nòmber' pa nos mes?
58