Les di sabbatskol kuartaal 2, aña 2022, Titula: GÉNESIS

Les 6: E Raisnan di Abraham

Abram i Lot

Lesa pa e siman aki:

Génesis 12; Isa. 48:20; Isa. 36:6, 9; Yer. 2:18; Génesis 13; Génesis 14; Hebr. 7:1-10

TEKSTO PRINSIPAL:

"Pasobra Abraham tabatin fe, el a obedesé ora Dios a yam'é: ela sali bai un pais ku Dios a destiná p'e i su desendensia. El a sali bai sin sa unda e tabata bai"(Hebreonan 11:8).

djamars, 03-05-2022

Lesa Génesis 13:1-18. Kiko e storia akí ta siña nos tokante di e importansia di karakter?

Abram ta bai bèk kaminda e tabata promé, manera kos ku su biahe pa Egipto tabata un simpel buelta desafortuná. Dios Su historia ku Abram ta kuminsá atrobe, kaminda el a stòp for di su biahe pa e Tera Primintí. E promé stashon di Abram tabata Betel (Gén. 13:3), meskos ku den su promé biahe pa e tera (Gén. 12:3-6).Abram a repentí i ta bèk na 'su mes': Abram, e hòmber di fe.

E rekonekshon di Abram ku Dios ta mustra kaba den su relashon ku hende, den e forma ku e ta trata ku e problema ku Lòt, su subrino, enkuanto di uso di e tera. Sinembargo, ta Abram mes kende ta proponé un akuerdo di pas i ta permití Lòt skohe promé (Gén. 13:9, 10), un akto di generosidat i bondat, indikativo di e tipo di hòmber ku Abram tabata. E echo ku Lòt a skohe e partí di mas fásil i mihó pa e mes, e vaye ku hopi awa (Gén. 13:10, 11), sin niun preokupashon tokante e maldat di su futuro bisiñanan (Gén. 13:13), ta revelá algu tokante su goloseria i karakter. E frase 'pa su mes' ta rekordá nos di e antediluvianonan, ku tambe a skohe 'pa nan mes' (wak Gén. 6:2).

Kontrali na esei, e sèt di Abram tabata un akto di fe. Abram no a skohe e tera; ta e grasia di Dios a dun'éle. Diferente for di Lòt, Abram a wak e tera solamente riba mandato di Dios (Gén. 13:14). Ta solamente ora Abram ta separá di Lòt, Dios ta papia kuné atrobe (Gén. 13:14). De echo, esaki ta e promé biaha registrá ku Dios ta papia ku Abram for di su yamada na Ur. "Wak for di kaminda bo ta pará den direkshon nort i zùit, ost i west. Tur e tera ku bo ta mira, lo Mi duna abo i bo desendientenan pa semper" (Gén. 13:14, 15). Dios, e ora ei, ta invitá Abram pa 'kana' riba e tera akí komo un akto di apropiashon. "Lanta ariba i pasa tur kaminda den e pais di ost pa west, di nort pa zùit; pasobra lo Mi duna bo henter e pais" (Gén. 13:17). Señor, sinembargo, ta hasié bon kla ku E, Dios, ta dunando e na Abram. E ta un regalo, un regalo di grasia, ku Abram mester apropiá pa medio di fe, un fe ku ta hiba na obediensia. Ta e obra di Dios so ku lo produsí tur loke El a primintí na Abram aki (wak Gén. 13:14 17).

Kon nos por siña ta bondadoso i generoso ku otronan, asta ora nan no ta asina ku nos?

68