les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 6: E Raisnan di Abraham
Mas Estudio:
Lesa pa e siman aki:
Génesis 12; Isa. 48:20; Isa. 36:6, 9; Yer. 2:18; Génesis 13; Génesis 14; Hebr. 7:1-10
TEKSTO PRINSIPAL:
"Pasobra Abraham tabatin fe, el a obedesé ora Dios a yam'é: ela sali bai un pais ku Dios a destiná p'e i su desendensia. El a sali bai sin sa unda e tabata bai"(Hebreonan 11:8).
djabierne, 06-05-2022
Lesa Ellen G. White, 'Abraham in Canaan', p. 134-136, den Patriarchs and Prophets. "E iglesia di Kristu mester ta un bendishon, i su miembronan mester ta bendishoná miéntras nan ta bendishoná otronan. E ophetivo di Dios ora El a skohe un pueblo dilanti di henter mundu no tabata solamente pa E por a adoptá nan komo Su yunan hòmber i muhé, sino pa atraves di nan E por a basha riba e mundu e benefisionan di iluminashon divino. Ora Señor a skohe Abraham, no tabata simplemente pa ta e amigu spesial di Dios, sino pa ta un medio di e privilegionan presioso i pekuliar ku Señor tabata deseá di otorgá na e nashonnan. E mester tabata un lus meimei di e skuridat moral di su alrededor.
"Ki ora ku Dios bendishoná Su yunan ku lus i bèrdat, no ta solamente pa nan por tin e regalo di bida eterno, sino pa esnan rònt di nan tambe haña iluminashon spiritual.... 'Boso ta salu di tera'. I ora Dios hasi Su yunan salu, no ta solamente pa nan propio preservashon, sino pa nan por ta agentenan pa preservá otronan...
"Boso ta bria manera piedranan bibu den e edifisio di Dios?... Nos no tin e religion outéntiko, a ménos ku e ta ehersé un influensia kontroladó riba nos den tur transakshon di negoshi. Nos mester tin santidat práktiko pa wef den nos okupashon. Nos mester tin e grasia transformadó di Kristu riba nos kurason. Nos tin mester di un gran kantidat ménos di mes, i mas di Hesus."-Ellen G. White, Reflecting Christ, p. 205
Pregunta pa Diskushon:
1. Den lus di e bendishon di Abraham, "Lo Mi bendishoná bo...i lo bo ta un bendishon" (Gén. 12:2), kiko ta nifiká ta bendishoná? Kon nos, komo hendenan ku ta sirbi e mesun Dios ku Abraham a sirbi, por ta un bendishon pa otronan?
2. Kiko tabatin robes ku e mitar mentira di Abraham enkuanto di su ruman-esposa? Kiko ta pió, gaña òf bisa algun bèrdat miéntras ainda, na mes momento, téknikamente gañando?
3. Lesa Génesis 14:21-23 atrobe, Abram su reakshon riba e oferta di e rei di Sodoma. Di kon el a reakshoná asina, i ki lès importante nos por saka for di e storia akí? Abram lo no tabata hustifiká si el a tuma loke e rei a ofres'é?
71