les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 7: E Pakto ku Abraham
Lòt na Sódoma
Lesa pa e siman aki:
Génesis 15-19:29; Rom. 4:3, 4, 9, 22; Gal. 4:21-31; Rom 4:11; Rom. 9:9; Amos 4:11.
TEKSTO PRINSIPAL:
I Abram a bisa: 'O Señor DIOS, kiko lo Bo duna mi, siendo ku mi no tin yu, i ku ta Eliezer di Damasko ta e eredero di mi kas?"' (Génesis 15:2).
djaweps, 12-05-2022
Lesa Génesis 18:16-19:29. Kon e ministerio profétiko di Abraham ta afektá su responsabilidat pa ku Lòt?
Abraham a kaba di ta rekonfirmá den Dios Su promesa di un yu hòmber. Sinembargo, na lugá di gosa di e bon notisia, e ta envolví Dios den un diskushon pashoná tokante e destino di Lòt na Sódoma. Abraham no ta solamente un profeta na kende Dios ta revelá Su boluntat; e ta tambe un profeta ku ta intersedé na fabor di esnan malbado. E frase hebreo 'a para dilanti di SEÑOR' (Gén. 18:22, , Beibel Santu) ta un ekspreshon pa hasi orashon. De echo, Abraham ta desafiá Dios i ta negoshá kunE pa salba Sódoma, kaminda su subrino ta biba. Moviendo di 50 bai abou te na 10, Dios lo a salba e pueblo di Sódoma si solamente 10 sodomita tabata hustu.
Naturalmente, ora bo lesa e storia di loke a sosodé ora e dos angelnan a bin serka Lòt pa spiert'é di loke tabata biniendo (Gén. 19:1-10), nos por mira presis kon malu i malbado e hendenan a bira. E tabata berdaderamente un lugá malbado, manera hopi di e nashonnan rònt di nan tabata; un motibu di kon, finalmente, a saka nan for di e tera (wak Gén. 15:16).
"I awor e último anochi di Sódoma tabata aserkando. Ya e nubianan di vengansa tabata tira nan sombra riba e stat konsagrá. Pero hende no a persibié. Miéntras angelnan tabata hala serka riba nan mishon di destrukshon, hende tabata soñando di prosperidat i plaser. E último dia tabata meskos ku tur otro ku a bin i a bai. Nochi a kai riba un esena di hermosura i siguridat. Un paisahe di bunitesa inigualabel tabata baña den e rayonan di e solo ku tabata bahando. E freskura di fin di dia a yama e habitantenan di e stat afó, i e multitµtnan ku ta buska plaser tabata pasa bai bin, ku atenshon riba e goso di e ora."-Ellen G. Wlrite, Patriarchs and Prophets, p. 157, 158.
Al final, Dios a salba solamente Lòt, su esposa, i su dos yunan muhé (Gén. 19:15), kasi mitar di e mínimo di 10. E kasánan di e yunan muhé, ku no a tuma e spiertamentu di Lòt na serio, a keda den e stat (Gén. 19:14).
E país bunita ei, e ora ei, tabata destruí. E verbo hebreo hafakh, 'destruí', ta aparesé vários biaha den e pasashi akí (Gén. 19:21, 25, 29) i ta karakterisá e destrukshon di Sódoma (Deut. 29:23, , Amos 4:11). E idea ta ku e país tabata 'deklará nulo'. Meskos ku e Diluvio tabata 'deklará nulo' e kreashon original (Gén. 6:7), e destrukshon di Sódoma ta un 'deklarashon nulo' di e Hòfi di Eden (Gén. 13:10). Den e destrukshon di Sódoma, nos ta haña un prekursor di e destrukshon di tempu di fin, tambe (wak Hudas 7).
82