Les di sabbatskol kuartaal 2, aña 2022, Titula: GÉNESIS

Les 8: E Promesa

E Morto di Sara

Lesa pa e siman aki:

Génesis 22, Hebr. 11:17, , Lev. 18:21, , Huan 1:1-3, , Rom. 5:6-8, , Génesis 23-25, Rom. 4:1-12.

TEKSTO PRINSIPAL:

"Abraham tabata hopi bieu kaba i den tur kos SEÑOR a bendishon'é" (Génesis 24:1).

djamars, 17-05-2022

Den Genesis 22:23, , nos ta lesa reportage di e nasementu di Rebeka ku ta antisipa e futurismo kasamentu entre Izak i Rebeka (Genesis 24). Na e mes manera, e reportage di e morto i deramentu di Abraham su kasa Sara, (Genesis 23), ta antisipa e futuru kasamentu ku Ketura (Gen. 25:1-4).

Lesa Génesis 23. Ki funshon e storia di e morto i entiero di Sara ta hunga den kumplimentu di Dios Su promesa na Abraham?

E menshon di e morto di Sara inmediatamente despues di e storia di e sakrifisio di Isak ta sugerí ku kisas e aksidente aki lo por a afekt'é, ku kasi a kosta bida di su yu hòmber. Den algun forma, Sara tabata envolví tambe den e 'tèst' huntu ku su esposo, meskos ku e tabata den su biahenan i su lapsonan den fe (Gén. 12:11-13).

Sara no tabata e tipo di muhé ku lo a keda ketu riba asuntunan ku tabata di nifikashon òf tabata molesti'é (kompará ku Gén. 16:3-5; Gén. 18:15; Gén. 21:9, 10). Su ousensia i su silensio, i asta e momento di su morto despues di e evento dramátiko ei, ta bisa mas tokante su relevansia na e eventonan ku su presensia físiko a bisa. E echo ku ta menshoná Sara su edat avansá (Gén. 23:1), den eko riba e edat avansá di Abraham (Gén. 24:1), ta demostrá su importansia na e storia.

De echo, Sara ta e úniko muhé den Tèstamènt Bieu di kende ta menshoná e kantidat di su añanan, loke ta mustra su sentralidat den e storia. E enfoke riba kompra di Sara su lugá di entiero (loke ta kubri mayoria di e kapítulo), mas bien ku riba su morto, ta enfatisá e konekshon ku e Tera Primintí.

Ya e spesifikashon ku el a muri "den e tera di Kánaan" (Gén. 23:2) ta suprayá e establesimentu di Sara su morto den Dios Su promesa di e tera. Sara ta e promé morto di e tribu di Abraham ku a muri i a dera den e Tera Primintí. E preokupashon di Abraham tokante su mes, "Mi ta biba komo strañero serka boso" (Gén. 23:4), i su argumento insistente ku e yunan hòmber di Het, ta mustra ku Abraham ta interesá no solamente den atkirí un lugá di graf; e ta primeramente preokupá ku establesé permanentemente den e tera.

Lesa Génesis 23:6. Kiko esaki ta bisa nos tokante e tipo di reputashon ku Abraham tabatin? Di kon esaki ta importante pa komprendé pakiko Señor a us'é pa hasi?

92