les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 8: E Promesa
Dios Lo Proveé
Lesa pa e siman aki:
Génesis 22, Hebr. 11:17, , Lev. 18:21, , Huan 1:1-3, , Rom. 5:6-8, , Génesis 23-25, Rom. 4:1-12.
TEKSTO PRINSIPAL:
"Abraham tabata hopi bieu kaba i den tur kos SEÑOR a bendishon'é" (Génesis 24:1).
djaluna, 16-05-2022
Lesa Génesis 22:8, 14, 18. Kon Dios a kumpli ku Su promesa ku E lo proveé? Kiko El a proveé?
Ora Isak a puntra tokante e animal di sakrifisio, Abraham a duna un kontèsta interesante: Dios lo "proveé pa Su mes e lamchi pa un ofrenda kimá" (Gén. 22:8, , Beibel Santu). Sinembargo, e forma verbal hebreo en realidat por nifiká tambe 'Dios lo proveé Su mes komo e lamchi'. Ta usa e verbo 'proveé' (yir'eh lo) den un forma ku por nifiká 'proveé Su mes' (òf literalmente, 'mira Su mes').
Loke ta mustra nos aki, anto, ta e esensia di e plan di salbashon, ku Señor Mes sufriendo 'i pagando den Su mes e kastigu pa nos pikánan!
Lesa Lesa Huan 1:1-3 i Romanonan 5:6-8. Kon e versíkulonan akí ta yuda nos komprendé loke a sosodé na e Krus, ku ta prefigurá den e sakrifisio aki riba Seru Moría?
Aya, na Seru Moria, hopi tempu promé ku e krus, e karné chubatu di sakrifisio "pegá ku su kachunan den rama di palu" (Gén. 22:13) tabata mustrando stret na Hesus. E ta Esun ku ta 'mira' aki, manera Abraham ta splika despues, "Riba seru di SEÑOR" (Gén. 22:14). Hesus mes a mustra na e ekspreshon profétiko di Abraham aki, ora El a bisa, i ta eko e deklarashon di Abraham: "Boso tata Abraham a bira kontentu, pasobra e tabatin speransa di mira e ora di mi binimentu. El a mir'é i a keda kontentu!" (Huan 8:56).
'Tabata pa impreshoná e mente di Abraham ku e realidat di e evangelio, komo tambe pa tèst su fe, ku Dios a mand'é mata su yu hòmber. Dios a permití e agonía, ku el a soportá durante e dianan skur di e prueba teribel ei, pa e por a komprendé for di su propio eksperensia algu di e grandesa di e sakrifisio hasí pa e Dios infinito, pa redenshon di hende."-Ellen G. White, Patriarchs and Prophets, p. 154..
Kon loke a sosodé aki ta yuda nos komprendé mihó loke a sosodé na e krus i loke Dios a sufri na nos fabor? Kiko nos reakshon mester ta riba loke a hasi pa nos?
91