les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 8: E Promesa
Un Esposa pa Isak
Lesa pa e siman aki:
Génesis 22, Hebr. 11:17, , Lev. 18:21, , Huan 1:1-3, , Rom. 5:6-8, , Génesis 23-25, Rom. 4:1-12.
TEKSTO PRINSIPAL:
"Abraham tabata hopi bieu kaba i den tur kos SEÑOR a bendishon'é" (Génesis 24:1).
djarason, 18-05-2022
Génesis 24 ta konta e storia di e matrimonio di Isak despues di morto di Sara. E dos storianan ta relatá ku otro.
Lesa Génesis 24. Di kon Abraham ta asina preokupá pa su yu hòmber no kasa ku un mubé for di e kanaanitanan?
Meskos ku Abraham ker a atkirí e tera pa asina e dera su esposa, pa motibu di e promesa di Dios na su desendientenan ku nan lo a haña e tera akí, awor e ta insistí pa Isak no establesé pafó di e Tera Primintí tampoko (Gén. 24:7). Tambe, Isak su moveshon pa trese su bruit na e tènt di Sara, i e nota ku Rebeka a konsolá lsak "despues di morto di su mama" (Gén. 24:67) ta mustra bèk na morto di Sara, ku ta impliká e doló di lsak pa ku morto di su mama.
E storia ta yen di orashon i kumplimentu di orashon i riku na lesnan tokante e providensia di Dios i libertat humano. E ta kuminsá ku e orashon di Abraham. Hurando na "SEÑOR, e Dios di shelu i e Dios di tera" (Gén. 24:3), e orashon akí ta, promé ku tur kos, un rekonosementu di Dios komo e Kreador (Gén. 1:1, , Gén. 14:19), ku énfasis direkto riba e nasementu di Abraham su desendientenan, inkluyendo e Mesías Mes. E referensia na 'Su angel' i na 'SEÑOR, Dios di shelu' (Gén. 24:7) ta mustra bèk na e Angel di SEÑOR ku a bin for di shelu pa reskatá Isak di ta matá (Gén. 22:11). E Dios kende ta kontrolá universo, e Angel di SEÑOR kende a intervení pa salba lsak, lo guia den e kuestion di matrimonio akí.
Abraham ta laga habrí, sinembargo, e posibilidat ku e muhé lo no respondé riba e yamada di Dios. Pa mas poderoso ku E ta, Dios no ta fòrsa hende pa obedes'E. Aunke e plan di Dios pa Rebeka ta pa sigui Eliezer, e ta retené su libertat di eskoho. Es desir, tabata posibel ku e muhé akí lo no tabata ker a bin, i si no, lo no a fòrs'é pa bin.
Por lo tantu, aki nos ta mira un otro ehèmpel di e gran misterio di kon Dios a duna nos, komo hende, boluntat líber, eskoho liber, un libertat ku E lo no trapa riba dje. (Si El a hasié, lo no tabata boluntat liber.) I tòg, di un manera òf otro, apesar di e realidat di boluntat líber humano, i hopi di e eskohonan teribel ku hende ta hasi ku e boluntat líber ei, ainda nos por konfia ku na final e amor i bondat di Dios, finalmente, lo prevalesé.
Di kon ta asina di konsuelo pa sa ku miéntras no ta tur ta boluntat di Dios, E ta ketu bai na kontrol? Kon profesianan manera Daniel 2, por ehèmpel, ta prueba e punto aki na nos?
93