les di Sabbatskol
otro idioma
Les di sabbatskol kuartaal 2, aña 2022, Titula: GÉNESIS
Les 9: Yakob, e usurpadó
Yakob, e usurpadó
Lesa pa e siman aki:
Gén. 25:21-34, , Gén. 28:10-22, , Gén. 11:1-9, , Gén. 29:1-30, , Gén. 30:25-32.
TEKSTO PRINSIPAL:
"'Ku rason e yama Yakob!' Esou a grita. 'Ya ta di dos bia ku e ta kohe mi kabes abou! Promé el a kita e derecho di yu mayó for di mi i awor el a kita mi bendishon. Bo no a keda ku ningun bendishon pa mi?"' (Génesis 27:36).
sabbat, 21-05-2022
Awor nos ta sigui riba e historia familiar kontinuá di lsak, e yu di milager i promé antepasado di e simia primintí.
Sinembargo, e storia no ta kuminsá partikularmente bon. E karakter defektuoso di su yu hòmber Yakob lo manifestá su mes den e rivalidat entre e dos rumannan hòmber riba e derecho di yu mayó (Gén. 25:27-34) i konsekuentemente riba e derecho pa optené e bendishon di Isak (Génesis 27).
Pa motibu ku Yakob ta gaña su tata i ta hòrta e bendishon di su ruman hòmber mas grandi, e lo tin ku hui pa su bida. Den eksilio, Dios ta konfront'é na Betel (Gén. 28:10-22). Di einan en adelante Yakob, e gañadó, lo eksperensiá algun engaño e mes. Na lugá di Raquel, ku Yakob a stima (Génesis 29), lo duna Yakob Lea, e yu muhé mayó, i e lo tin ku traha 14 aña pa gana su esposanan.
Por lo tantu, kualke otro kos ku nos por mira den e storia akí, nos por mira kon Dios lo kumpli ku Su promesanan di pakto, di un manera òf otro, no ta importá kuantu biaha Su pueblo faya.
Studia e lès di e siman akí pa prepará pa Sabat, 28 di mei
101