Les di sabbatskol kuartaal 3, aña 2022, Titula: Den e krisol ku Kristu

Les 10: Humildat den e Krisol

Humildat den e Krisol

Lesa pa e siman aki:

Ezek 24:15-27, , Eks. 32:1-14, , Mat. 5:43-48, 1 Pe. 2:18 25, , Salmo 62:1-8.

TEKSTO PRINSIPAL:

"Felis esnan manso di kurason; nan lo haña mundo komo propiedat" (Mateo 5:5).

sabbat, 27-08-2022

Nos no ta tende e palabra mansu usá frekuentemente, eksepto kisas ora nos ta lesa tokante Moises òf nos ta studiando e bienaventuransanan. No ta difísil deskubrí di kon tampoko.

Ta definí mansedumbre komo "soportá daño ku pasenshi i sin resentimentu". Nada straño ku nos no ta tende hopi di dje; e ta apénas un prueba bon respetá den kultura awendia. Tin biaha Beibel ta tradusí e palabra akí komo "humilde". Atrobe, humildat no ta un rasgo di karakter mirá komo deseabel pa mayoría kultura tampoko.

Pero mansedumbre, soportá daño ku pasenshi i sin resentimentu, ta un di e karakterístikanan di mas poderoso di Hesus i Su siguidónan. I tòg, e no ta un fin den su mes: mansedumbre di spiritu por ta un arma poderoso den man di esnan ku ta meimei di doló i sufrimentu. Enbèrdat, e krisol ta un gran lugá pa ,siña mansedumbre di kurason, pasobra a traves di nos propio mansedumbre i lugánan kibrá nos por ta testigu poderoso pa Dios.

Un Bista Riba e Siman: Kiko ta e relashon entre sufrimentu i mansedumbre? Kon, den nos propio mansedumbre i lugánan kibrá, nos por ta un testimonio pa otronan? Kon mansedumbre por ta realmente un fortalesa, no un debilidat, pa e kristian?

Studia e lès di e siman akí pa prepará pa Sabat, 3 di sèptèmber.

113