Les di sabbatskol kuartaal 3, aña 2022, Titula: Den e krisol ku Kristu

Les 11: Wardando den e Krisol

E Dios di Pasenshi

Lesa pa e siman aki:

Rom. 15:4, 5; Rom. 5:3-5; 1 Samuel 26; Ps. 37:1-11.

TEKSTO PRINSIPAL:

"Ma fruta die Spiritu ta...pasenshi"(Galationan 5:22, Beibel Santu).

djadumingu, 04-09-2022

Lesa Romanonan 15:4, 5. Kiko nos ta haña den e versíkulonan akí pa nos?

Normalmente nos ta sin pasenshi tokante kos ku nos ke realmente òf a primintí nos pero no tin ainda. Hopi biaha nos ta satisfecho solamente ora nos haña loke nos tabata anhelá. I pa motibu ku kasi nunka nos ta haña loke nos ke ora nos ke, ta nifiká ku hopi biaha nos ta kondená na iritashon i falta di pasenshi. I ora nos ta den e estado akí, ta kasi imposibel mantené pas i konfiansa den Dios.

Warda ta doloroso pa definishon. Na hebreo, un di e palabranan pa "warda ku pasenshi" (Salmo 37:7, , Beibel Santu) ta bin di un palabra hebreo ku por tradusí komo "tin hopi doló", "sakudí", "tembla", "ta heridá", "ta tristu". Siña pasenshi no ta fásil; tin biaha ta e esensia mes di loke ta nifiká di ta den e krisol.

Lesa Salmo 27:14, , Salmo 37:7, i Romanonan 5:3-5. Kiko e versíkulonan akí ta bisa nos? Na kíko pasenshi ta hiba?

Miéntras nos ta warda, nos por konsentrá riba un di dos kos. Nos por enfoká riba e kosnan ku nos ta wardando riba dje, òf nos por enfoká riba Esun kende ta tene e kosnan ei den Su man. Loke ta hasi asina un diferensia ora nos ta warda riba algu no ta asina tantu kon largu nos tin ku warda, sino nos aktitut miéntras nos ta warda. Si nos ta konfia Señor, si nos a pone nos bida den Su man, si nos a someté nos boluntat na djE, e ora ei nos por konfia ku E lo hasi loke ta mihó pa nos ora ta mihó pa nos, nota importá kon difísil ta pa kere esaki algun biaha.

Riba kiko bo ta wardando desesperadamente? Kon bo por siña someté tur kos na Dios i na Su tempu? Drenta un aktitut di entrega i sumishon kompleto na Señor pa medio di orashon.

126