Les di Sabbatskol

djabierne, 16-09-2022

Lesa Ellen G. White, "Eli and His Sons", p. 575-580, i "The Presumption òf SauI'', p. 616-626, den Patriarchs and Prophets.

Sumishon na e boluntat di Dios lo bin ora nos muri na nos propio deseo-i ambishonnan. Esaki ta habri kaminda pa servisio berdadero na otronan. Nos no por biba pa Dios sin bira un sakrifisio i biba den frankesa kontinuo na e bos di Dios. Pa nos someté nos boluntat berdaderamente na e boluntat di nos Tata, nos mester rekonosé e peligernan di dependé riba nos mes i riba supstitutonan pa e Palabra i poder di Dios. Komo ku sumishon na e boluntat di Dios ta den sentro di un bida manera di Kristu, Dios por permití krisol siña nos dependé riba djE.

"E negligensia di Eli ta tresé klaramente dilanti di tur tata i mama riba tera. Komo resultado di su afekto no santifiká òf su falta di boluntat pa hasi un deber desagradabel, el a kosechá e kosecha di inikidat den su yunan perverso. Tantu e mayor ku a permití e maldat komo e yunan ku a praktik'é tabata kulpabel dilanti di Dios, i E lo no a aseptá niun sakrifisio òf ofrenda pa nan transgreshon."-Ellen G. White, Child Guidance, p. 276.

Pregunta pa Diskushon:

1. Komo klas, papia tokante e mizerikòrdia inkreibel di e Yu di Dios ora El a bin na tera komo un ser humano pa asina muri pa nos pikánan. Kiko e ta bisa nos tokante loke sakrifisio propio i apnegashon pa e bon di otronan ta nifiká? Aunke siguramente nos no por hasi nada manera Hesus a hasi, e prinsipio t'ei i mester ta semper nos dilanti. Den ki forma nos por, den nos mes esfera, imitá e tipo di sumishon i sakrifisio propio ku Hesus a mustra nos na e krus?

2. Pa hopi hende, someté na Dios sin sa kiko lo sosodé despues, por ta un kos spantoso. Kon lo bo a konsehá hende ku ta dependiendo riba nan mes mas bien ku Dios? Kiko lo bo a bisa pa yuda kita miedo di no sa-òf ta kapas di kontrolá-futoro?

3. Komo klas, pasa algun tempo den orashon pa hende ko bo konosé, ku tin difikultat pa someté na e bolontat di Dios, pa nan por mira ku konfia e boluntat di Dios lo ta e úniko ruta na pas duradero. Na mes momento, kiko práktiko bo por hasi pa e hendenan akí pa yuda nan mira ku nan por someté na Dios i ku Su kaminda ta esun mihó? Den otro palabra, kon Dios por usa bo pa yuda otronan sa di Su amor i disponibilidat pa proveé?

143