Les di sabbatskol kuartaal 3, aña 2022, Titula: Den e krisol ku Kristu

Les 12: Muriendo Manera un Simia

Sumishon pa Servisio

Lesa pa e siman aki:

Fil. 2:5-9; Rom. 12:1, 2; 1 Sam. 2:12-3:18; 1 Sam. 13:1-14; Zak. 4:1-14.

TEKSTO PRINSIPAL:

"Mi ta sigurá boso: Si un pipita di trigo no kai den tera i muri, e ta keda djis un simia. Si e muri, e ta produsí hopi fruta"(Huan 12:24).

djadumingu, 11-09-2022

Lesa Filipensenan 2:5-9. Ki mensahe importante tin pa nos den e versíkulonan akí?

Kultura kontemporáneo ta urgi nos tur pa demandá i afirmá nos derechinan. I tur esaki ta bon i ta hopi biaha e manera kon e mester ta. Pero manera ku Hesus, e boluntat di Dios por pidi nos pa entregá nos derechinan libremente pa asina sirbi e Tata den formanan ku lo hasi un impakto eterno pa e reino di Dios. E proseso di entregá akí por ta difísil i inkonfortabel, kreando e kondishon di un krisol.

Wak kon Hesus a hasi esaki (Fil. 2:5-8). E versíkulonan akí ta deskribí tres paso ku Hesus a dal ora El a someté Su mes na boluntat di e Tata. I na prinsipio, Pablo, di forma alarmante, ta kòrda nos: "Boso mester tin e mesun aktitut ku Kristu Hesus tabatin" (Fil. 2:5).

Ta den posishon pa salba nos, Hesus a entregá Su igualdat ku e Tata i a muda bin na tera den e forma i limitashon di un ser humano (Fil. 2:6, 7).

Hesus no a bin komo un ser humano grandi i glorioso, sino komo un sirbidó di otro ser humano (Fil. 2:7).

Komo un sirbidó humano, Hesus no a biba un bida largu i pasífiko, ma a bira "obedesidu te na morto." Ma E ni a muri di un forma nobel i glorioso. No, e tabata "obedesidu te na morto, sí, morto na krus"(Fil. 2:8).

Den ki área di bida e ehèmpel di Hesus akí ta un modelo pa nos? Si derechi i igualdat ta bon i mester protehá nan, kon lo bo a splika e lógika di tin nesesidat di entregá nan tin biaha? Awor, lesa Filipensenan 2:9. Den ki forma e versíkulo akí ta yuda nos komprendé e lógika di sumishon na boluntat di e Tata?

Den ki área di bida e ehèmpel di Hesus akí ta un modelo pa nos? Si derechi i igualdat ta bon i mester protehá nan, kon lo bo a splika e lógika di tin nesesidat di entregá nan tin biaha? Awor, lesa Filipensenan 2:9. Den ki forma e versíkulo akí ta yuda nos komprendé e lógika di sumisbon na boluntat di e Tata?. Hasi orashon pa sabiduría di Spiritu Santo, puntrando, "Na ki derechi mi ta tene aworakí ku realmente lo por ta un barera pa someté na Hesus Su boluntat ora mi ta sirbi mi famia, mi iglesia, i esnan rondó di mi? Te na ki grado mi ta dispuesto pa soportá inkomodidat pa sirbi otronan mas efektivamente?"

138