les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 12: Muriendo Manera un Simia
lndependensia
Lesa pa e siman aki:
Fil. 2:5-9; Rom. 12:1, 2; 1 Sam. 2:12-3:18; 1 Sam. 13:1-14; Zak. 4:1-14.
TEKSTO PRINSIPAL:
"Mi ta sigurá boso: Si un pipita di trigo no kai den tera i muri, e ta keda djis un simia. Si e muri, e ta produsí hopi fruta"(Huan 12:24).
djarason, 14-09-2022
Ora Eva a peka den Hòfi di Eden, no tabata simplemente pasobra el a duda di Dios Su palabra. E sentro di e problema tabata su kreensia ku e tabatin sufisiente sabiduría pa disidí pa su mes kiko tabata bon i korekto. El a konfia su mes huisio. Ora nos dependé riba nos mes huisio kontrali na konfia e Palabra di Dios, nos ta habri nos mes pa tur sorto dí problema. E storia di Saul ta deskribí e pasonan na independensia i e tragedía ku ta sigui asina rápido. Samuel a konsagrá Saul komo rei dí Dios (1 Sam. 10:1). Despues el a duna Saul instrukshon spesífiko (1 Sam. 10:8), ma Saul a desobedesé.
Lesa e siguiente parti di e storia den 1 Samuel 13:1-14. Kiko Saul a hasi ku a hiba na su propio kaida?
Tin tres paso ku a hiba Saul abou na kaminda pa independensia asina lihé despues ku a hasié rei. E problema ta ku niun di e pasonan tabata asina malu riba nan mes. Sinembargo, nan tabata kontené e simianan di tragedia pasobra el a tuma kada un independientemente di Dios. Nota e sekuensia ku e kaida di Saul a tua lugá.
1. Saul a bisa: "mi a mira"-e plamamentu di su trupanan i Samuel su ousensia (1 Sam. 13:11). Saul tabata bou di preshon, i el a evaluá ku su mes wowo loke tabata pasando.
2. Saul a pasa di "mi a mira" na "mi a bisa"-ku e filisteonan lo a konkistá nan (1 Sam. 13:12, , Beibel Santu). Loke el a mira ku su mes wowo a forma loke el a bisa, òf a sospechá, tokante e situashon.
3. Saul a move di "mi a bisa" pa "mi a sinti"-obligá na ofresé sakrifisio (1 Sam. 13:12, Beibel Santu). Loke Saul a pensa awor a forma su sintimentunan. Nos tur a yega di hasi esaki: nos ta dependé riba nos mes bista humano, ku ta hiba nos na dependé riba nos propio pensamentu humano, ku ta hiba na dependé riba nos propio sintimentunan humano. I despues nos ta aktua riba e sintimentunan akí.
Di kon bo ta kere ku tabata asina fásil pa Saul sigui su mes huisio, aunke e tabatin instrukshon kla di Dios ta zona ainda den su oreanan? Si nos sa ku nos ta asina frágil i tin konosementu asina imperfekto, di kon nos ta keda dependé riba nos mes? Kiko nos por hasi pa siña konfia e mandatonan di Señor mas ku den nos mes?
141