Les di sabbatskol kuartaal 3, aña 2022, Titula: Den e krisol ku Kristu

Les 13: Kristu den e Krisol

Kristu den e Krisol

Lesa pa e siman aki:

Luke 2:7, 22-24; Matt. 2:1-18; John 8:58, 59; Luke 22:41-44; Matt. 27:51, 52; Rom. 6:23; Titus 1:2.

TEKSTO PRINSIPAL:

"Banda di e di nuebe ora, Hesus a dal un gritu duru: 'Eli, Eli, lama sabagtani Esei ta nifiká: 'Mi Dios, mi Dios, pakiko Bo a bandoná Mi?'" (Mateo 27:46).

sabbat, 17-09-2022

Ki ora ku nos wak e asuntu di sufrimentu, e pregunta ta bin: Kon piká i sufrirnentu a surgi pa promé biaha? Pa medio di evelashon divino nos tin bon kontesta: Nan a surgi pasobra ser liber a abusá di e libertat ku Dios a duna nan. Esaki ta hiba na un otro pregunta: Dios tabata sa di antemano ku e sernan aki lo a kai? Sí, pero opviamente El a pensa ku tabata, manera C. S. Lewis a skirbi, "bal e riesgo".

Bal e riesgo? Pa ken? Pa nos,miéntras Dios ta sinta den shelu riba Su trono? No eksaktamente. E libertat di tur Su kriaturanan inteligente ta asina sagrado ku, enbes di nenga nos libertat, Dios a skohe pa karga riba Su mes e impakto di e sufrimentu kousá pa nos abusu di e libertat ei. I nos ta mira e sufrimentu akí den bida i morto di Hesus, kende, siendo a sufrí den nos karni, a krea lasonan entre shelu i tera ku lo dura a lo largu di eternidat.

Un Bista Riba e Siman: Kiko Hesus a sufrí na nos fabor?

Kiko nos por siña di Su sufrimentu?

Studia e lès di e siman akí pa prepará pa Sabat, 24 di sèptèmber.

149