Les di sabbatskol kuartaal 3, aña 2022, Titula: Den e krisol ku Kristu

Les 13: Kristu den e Krisol

E Promé Dianan

Lesa pa e siman aki:

Luke 2:7, 22-24; Matt. 2:1-18; John 8:58, 59; Luke 22:41-44; Matt. 27:51, 52; Rom. 6:23; Titus 1:2.

TEKSTO PRINSIPAL:

"Banda di e di nuebe ora, Hesus a dal un gritu duru: 'Eli, Eli, lama sabagtani Esei ta nifiká: 'Mi Dios, mi Dios, pakiko Bo a bandoná Mi?'" (Mateo 27:46).

djadumingu, 18-09-2022

Skritura ta duna nos tiki informashon tokante e promé añanan di Hesus. Algun versíkulo, sinembargo, ta bisa nos algu tokante e kondishonnan ei i e tipo di mundu ku e Salbador a drenta aden.

Lesa Lukas 2:7, 22--24 (lesa tambe Lev. 12:6-8) i Mateo 2:1-18. Kiko nos ta mira den e versíkulonan akí ku ta duna nos un indikashon di e tipo di bida ku Hesus a enfrentá for di kuminsamentu?

Naturalmente, Hesus no tabata e promé persona ku a biba den pobresa òf ku a enfrentá esnan ku ker a mat'E, asta for di un edat trempan. Tin, sinembargo, un otro elemento ku ta yuda nos komprendé e singularidat di loke Kristu a sufrí for di e tempunan di mas promé.

Lesa Huan 1:46. Ki elemento esaki ta añadí pa yuda nos komprendé ki sufrimentu e Hesus hóben a enfrentá?

 

 

 

Ku eksepshon di Adam i Eva promé ku Kaida, Hesus tabata e úniko persona sin piká ku a biba riba tera. Den Su puresa, den Su impekabilidat, E tabata sumergí den un mundu di piká. Ki un tortura e mester tabata, asta komo mucha, pa Su alma puru mester tabata konstantemente den kontakto ku piká. Asta den nos duresa pa motibu di piká, nos mes hopi biaha ta hala atras for di eksposishon na piká i maldat ku nos ta haña repugnante. Imaginá bo kon lo tabata pa Kristu, kende Su alma tabata puru, kende no tabata niun tiki manchá pa piká. Pensa riba e kontraste skerpi entre E mes i otronan rònt di djE den e sentido ei. Mester tabata ekstremadamente doloroso p'E.

Puntra bo mes, "Kon sensitivo mi ta na e pikánan ku ta eksistí tur rònt di nos? Nan ta molestiá mi, òf mi a bira duru pa nan?" Si bo a bira duro pa nan, lo por ta pa motibu di e kosnan ku bo ta lesa, wak, òf asta hasi? Pensa riba dje.

150