les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 13: Kristu den e Krisol
Despresiá i Rechasá pa Hende
Lesa pa e siman aki:
Luke 2:7, 22-24; Matt. 2:1-18; John 8:58, 59; Luke 22:41-44; Matt. 27:51, 52; Rom. 6:23; Titus 1:2.
TEKSTO PRINSIPAL:
"Banda di e di nuebe ora, Hesus a dal un gritu duru: 'Eli, Eli, lama sabagtani Esei ta nifiká: 'Mi Dios, mi Dios, pakiko Bo a bandoná Mi?'" (Mateo 27:46).
djaluna, 19-09-2022
Lesa e siguiente versíkulonan, i tene na mente e echo ku Hesus tabata divino, Kreador di shelu i tera, i ku El a bin pa ofresé Su mes komo un sakrifisio pa e pikánan di henter mundu (Mat. 12:22-24; Lukas 4:21-30; Huan 8:58, 59). Kon e versíkulonan akí ta yuda nos komprendé e sufrimentunan ku Hesus a enfrentá aki riba tera?
Sea lider, òf asta e hendenan komun, tabata komprendé Hesus Su bida, akto, i siñansa robes konstantemente, ku a hiba na rechaso i odio di hende ku El a bin pa salba. Den un sierto sentido mester tabata manera un mayor ku ta mira un yu rebelde den nesesidat di ayudo, i aunke e mayor ta dispuesto pa duna tur kos pa e yu ei, e yu ta rechasá e mayor, akumulando menospresio i rechaso riba kisas e úniko persona ku por spar e yu ei di ruina total. Esei ta loke Hesus a enfrentá miéntras E tabata aki riba tera. Ki doloroso e mester tabata p'E.
Lesa Mateo 23:37. Kiko e ta bisa nos tokante kon Kristu a sinti tokante rechaso? Miéntras bo ta lesa, puntra bo mes, tambe, "E tabata sinti malu pa E mes (manera nos hopi biaha ora nos ta enfrentá rechaso), òf tabata pa otro motibu?"Si tabata pa otro motibu, kiko e tabata?
Nos tur a yega di sinti e pui di rechaso, i kisas nos doló tabata similar na esun di Kristu-den sentido ku e tabata altruista: Nos tabata den doló, no pasobra a rechasá nos, sino pa motibu di loke e rechaso lo a nifiká pa esun ku tabata rechasando nos (kisas un hende ku nos ta preokupá p'e ku ta rechasá salbashon den Kristu). Imaginá bo, sinembargo, kon mester tabata pa Hesus, kende tabata kompletamente konsiente di loke E tabata bai enfrentá pa asina salba nan, i na mes momento kompletamente konsiente di kiko e konsekuensia di nan rechaso lo tabata. "Tabata pa motibu di Su inosensia ku E [Kristu] a sinti e atakenan di Satanas asina skerpi."-Ellen G. White, Selected Messages, tomo 3, p. 129.
Kiko bo por siña di Kristu ku por yuda bo dil mihó ku e doló di rechaso? Kiko Su ehèmpel ta mustra bo? Kon bo por aplik'é na bo propio bida?
151