les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 13: Kristu den e Krisol
E Dios ku ta Sufriendo
Lesa pa e siman aki:
Luke 2:7, 22-24; Matt. 2:1-18; John 8:58, 59; Luke 22:41-44; Matt. 27:51, 52; Rom. 6:23; Titus 1:2.
TEKSTO PRINSIPAL:
"Banda di e di nuebe ora, Hesus a dal un gritu duru: 'Eli, Eli, lama sabagtani Esei ta nifiká: 'Mi Dios, mi Dios, pakiko Bo a bandoná Mi?'" (Mateo 27:46).
djaweps, 22-09-2022
Nos por bien kustumbrá kµné: tanten ku nos ta aki, den e mundu akí, nos ta bai sufri. Komo kriatura kaí, e ta nos destino. Nada den Beibel ta primintí nos algu diferente. Al kontrario:
Kiko e siguiente versíkulonan tin di bisa nos tokante e tópiko ku nos ta studia? Echonan 14:22, , Fil. 1:29, 2 Tim. 3:12.
Sinembargo, meimei di nos sufrimentu, nos mester tene dos kos den mente.
Na promé lugá, Kristu, nos Señor, a sufri pió ku kualke un di nos hamas por a sufri. Na e krus, "ta nos enfermedatnan El a karga i ta nos doló El a soportá" (Isa. 53:4); loke nos sa solamente komo individuo, El a sufri kolektivamente, pa nos tur. E ku tabata sin piká, a bira "piká pa nos tur"(2 Kor. 5:21), sufriendo den un forma ku nos, komo kriatura pekaminoso, no por ni imaginá nos mes.
Na di dos lugá, ora nos ta sufri, nos mester kòrda e resultado di Hesus Su sufrimentu, es desir, kiko a primintí nos a traves di loke Kristu a hasi pa nos.
Lesa Huan 10:28, , Romanonan 6:23,,Tito 1:2, , i 1 Huan 2:25. Kiko a primintí nos?
Loke sea ta nos sufrimentu aki, danki na Hesus, danki ku El a karga riba Su mes e kastigu di nos piká, danki na e gran provishon di e evangelio-ku pa medio di fe nos por para perfekto den Hesus aworakí mes-nos tin e promesa di bida eterno. Nos tin e promesa ku, pa motibu di loke Kristu a hasi, pa motibu di e plenitut i totalidat di Su bida perfekto i sakrifisio perfekto, nos eksistensia aki, yen di doló, desapunto, i perdida, no ta mas ku un instante, un flesh, pasahero, kontrali na e eternidat ku ta spera nos, un eternidat den un shelu nobo i un tera nobo, unu sin piká, sufrimentu, ni morto. I tur esaki ta primintí na nos i hasí sigur pa nos solamente pa motibu di Kristu i e krisol ku El a drenta aden pa asina un dia, pronto, E lo mira "e angustia di Su alma, i lo keda satisfecho" (Isa. 53:11, , Beibel Santu).
154