Les di sabbatskol kuartaal 3, aña 2022, Titula: Den e krisol ku Kristu

Les 3: E Kouchi di Para

E Kouchi di Para

Lesa pa e siman aki:

Eksodo 14; Eks. 15:22–27; Eks. 17:1–7; Proverbionan 3; Lukas 4:1–13; 1 Pe.1:6–9.

TEKSTO PRINSIPAL:

“Den esaki boso ta regosihá grandemente, ounke ku awor pa un tempu kòrtiku, si ta nesesario, boso a wòrdu afligí pa medio di varios prueba” (1 Pedro 1:6).

sabbat, 09-07-2022

Den e pleno lus di dia, i den tendementu di e músika di otro bosnan, e para den kouchi lo no kanta e kantika ku su doño ta trata na siñ’é. E ta siña un pik di esaki, un trel di esaya, pero nunka un melodia separá i kompletu. Pero e doño ta tapa e kouchi, i ta pon’é kaminda e para lo skucha esun kantika ku e mester kanta. Den sukú, e ta purba i bolbe purba kanta e kantika ei te ora e para siñ’é, i e kuminsá den perfekto melodia. E ora ei e ta saka e para, i pa semper despues e por kanta e kantika ei den lus. Asina Dios ta trata ku Su yunan. E tin un kantika pa siña nos, i ora nos a siñ’é meimei di e sombranan di aflikshon, nos por kant’é semper despues di esei.”—Ellen G. White, The Ministry of Healing, p. 472.

Nota ku esun ku ta hiba e para den skuridat ta e doño mes.
Ta fásil pa komprondé ku Satanas ta kousa doló, pero Dios Mes lo a tuma parti aktivamente den hiba nos den krisolnan kaminda nos ta eksperensiá konfushon òf doló?

Un Bista Riba e Siman: Ki ehèmpelnan bo por pensa riba dje den Beibel den kua Dios Mes ta hiba hende den eksperensianan ku E sa ku lo inkluí sufrimentu? Kiko bo ta kere tabata e kantikanan nobo ku E tabata ke pa nan kanta?

Studia e lès di e siman akí pa prepará pa Sabat, 16 di yüli.

29