Les di sabbatskol kuartaal 3, aña 2022, Titula: Den e krisol ku Kristu

Les 3: E Kouchi di Para

Mas Estudio:

Lesa pa e siman aki:

Eksodo 14; Eks. 15:22–27; Eks. 17:1–7; Proverbionan 3; Lukas 4:1–13; 1 Pe.1:6–9.

TEKSTO PRINSIPAL:

“Den esaki boso ta regosihá grandemente, ounke ku awor pa un tempu kòrtiku, si ta nesesario, boso a wòrdu afligí pa medio di varios prueba” (1 Pedro 1:6).

djabierne, 15-07-2022

Lesa Ellen G. White, “The Exodus,” p. 281–290; “From the Red Sea to Sinai,” p. 291-302, den Patriarchs and Prophets; “The Temptation,” p. 114–123, den The Desire of Ages.

Di tempunan bieu Señor a guia Su pueblo na Refidim, i E por skohe pa guia nos einan tambe, pa tèst nos lealtat. No semper E ta hiba nos na lugánan plasentero. Si E tabata hasi esei, den nos dependensia propio nos lo a lubidá ku E ta nos yudadó. E ta anhelá pa manifestá Su mes na nos, i pa revelá e suministronan abundante na nos disposishon, i E ta permití pruebanan i desapunto bin na nos pa nos por realisá nos impotensia, i siña yama riba djE pa ayudo. E por pone riunan refreskante kore for di e baranka di kandela. Nos lo no sa nunka, te ora nos ta kara kara ku Dios, ora nos lo mira manera ta mira nos, i konosé manera konosé nos, kuantu karga El a karga pa nos, i kuantu karga E lo tabata kontentu pa karga, si, ku fe manera di un mucha, nos a trese nan p’E.”—Ellen G. White, “Rephidim,” Advent Review and Sabbath Herald, 7 di aprel 1903.

Preguntanan pa Diskushon:

1. Nos ta papia hopi biaha di tentashon komo un kos individual, kua, naturalmente, e ta. Na mes momento, tin kualke tentashon kolektivo, kosnan ku nos komo iglesia òf un famia di iglesia lokal kisas mester warda nos mes kontra dje komo grupo? Si ta asina, kiko?

2. Pidi esnan ku ta dispuesto pa papia tokante kualke di e “lugánan desagradabel” ku a hiba nan na dje. Dikon esakinan tabata desagradabel? Si nan mester a bolbe bishitá e eksperensianan ei awe, nan lo a mira nan di algun forma diferente?

3. Nos tur ta komprondé e prinsipio tras di ku Dios ta permití pruebanan purifiká i refiná nos. Kon, sinembargo, nos ta komprondé e situashon den kua pruebanan ta parse di no tin balor, por ehèmpel, un hende a muri instantáneamente den un aksidente di outo? Komo klas, purba bin ku posibel kontestanan.

4. Komo klas, tuma tempu huntu pa resa un pa otro, pa kada un por haña fortalesa pa soportá pruebanan i keda fiel.

5. Bo klas konosé kualke hende ku, despues di a enfrentá pruebanan, a pèrdè e kaminda? Si ta asina, kiko boso por hasi komo klas, den un forma hopi tangibel, pa yuda guia e persona ei bèk?

35