les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 4: Mirando Kara di e Platé
Mirando Kara di e Platé
Lesa pa e siman aki:
Mat. 5:16, 1 Kor. 4:9, , Efe. 3:10, , Job 23:1-10, , Mat. 25:1-12, , Dan. 12:1-10, , Efe. 4:11-16.
TEKSTO PRINSIPAL:
"Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios" (2 Korintionan 3:18).
sabbat, 16-07-2022
Amy Carmichael a hiba un grupo di mucha na un platé tradishonal na India. Meimei di un kandela di karbon tabatin un panchi di dak doblá. Riba é panchi tabatin un meskla di salu, fruta di tamarein, i stòf di bloki. Inkorporá den e meskla akí tabatin oro. Miéntras e kandela tabata devorá e meskla, e oro tabata bira mas puru. E platé a saka e oro afó ku pinset i, si e no tabata sufisiente puru, e tabata pon'é bèk den e kandela ku un meskla nobo. Pero kada biaha ku e tabata remplasá e oro e tabata oumentá e kayente. E grupo a puntra: "Kon bo sa ki ora e oro ta purifiká?" El a kontestá: "Ora mi por mira mi kara den dje."-Amy Carmichael, Leaming òf God (Fort Washington, PA: Christian Literature Crusade, 1989), p. 50.
Dios ta tratando di purifiká nos, pa refiná nos manera oro, pa transformá nos den Su imágen. Esei ta un meta asombroso, i ta parse ainda mas asombroso ku, solamente ora ku nos ta pasa den krisolnan di bida, un karakter manera di Kristu ta desaroyá den nos.
Un Bista Riba e Siman: Ki rol sufrimentu tin den e proseso di purifikashon? Kon nos por komprendé tur esaki den e konteksto di e gran konflikto?
Studia e lès di e siman akí pa prepará pa Sabat, 23 di yüli. 41
41