Les di sabbatskol kuartaal 3, aña 2022, Titula: Den e krisol ku Kristu

Les 4: Mirando Kara di e Platé

"Den Su Imágen"

Lesa pa e siman aki:

Mat. 5:16, 1 Kor. 4:9, , Efe. 3:10, , Job 23:1-10, , Mat. 25:1-12, , Dan. 12:1-10, , Efe. 4:11-16.

TEKSTO PRINSIPAL:

"Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios" (2 Korintionan 3:18).

djadumingu, 17-07-2022

"Pasobra esnan ku Dios a konosé di antemano, El a destiná kaba pa bira meskos ku su Yu, pa asina su Yu ta e ruman mayó di hopi ruman" (Rom. 8:29).

Na prinsipio Díos a traha hende segun Su imágen (Gen. 1:27), pero piká a korumpí e imágen ei.

Den kua forma nos ta mira e desfigurashon di Dios Su imágen den humanidat?

Ta opvio: piká a korumpí nos tur (Rom. 3:10-19). Sinembargo, Dios Su deseo ta pa restourá nos na loke nos mester tabata originalmente. Ta aki ta kaminda nos versíkulo di awe ta pas. E ta revelá e plan di Dios pa esnan ku someté nan bida na Spiritu Santu por ta "destiná kaba pa bira meskos ku su Yu" (Rom. 8:29).

Pero tin un otro dimenshon. "Mester reprodusí e mesun imágen di Dios den humanidat. E honor di Dios, e honor di Kristu, ta envolví den perfekshon di e karakter di Su pueblo."-Ellen G. White, The Desire òf Ages, p. 671.

Kon bo ta komprendé loke Ellen G. White ta bisa nos den e sita aki riba? Lesa tambe Job 1, Mat. 5:16, 1 Kor. 4:9, , Efe. 3:10.

Komo kristian, nos no mester lubidá nunka ku nos ta meimei di un drama kósmiko. E gran kontroversia entre Kristu i Satanas ta desaroyando tur rònt di nos. E bataya ta tuma hopi forma i ta manifestá den hopi forma. I aunke hopi kos ta skondí, nos por komprendé ku, komo siguidó di Kristu, nos tin un partí pa hunga den e drama akí i por trese honor na Kristu a traves di nos bida.

Imaginá bo ku bo ta riba vèlt di un stadion enorme. Sintando den e tribuna na un banda tin ser selestial leal na Señor; na e otro banda tin ser ku a kai huntu ku Lucifer. Si a representá bo bida pa e último 24 oranan riba e vèlt ei, kua banda lo tabatin mas kos pa grita di kontentu di dje? Kiko bo kontesta ta bisa bo tokante bo mes?

42