les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 4: Mirando Kara di e Platé
E Ultimo Palabranan di Hesus
Lesa pa e siman aki:
Mat. 5:16, 1 Kor. 4:9, , Efe. 3:10, , Job 23:1-10, , Mat. 25:1-12, , Dan. 12:1-10, , Efe. 4:11-16.
TEKSTO PRINSIPAL:
"Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios" (2 Korintionan 3:18).
djamars, 19-07-2022
Hesus tabata na Herusalem, na punto di muri. Di akuerdo ku e Evangelio di Mateo, Hesus a pasa Su último oranan di siñansa promé ku Pasku kontando Su disipelnan parabel, inkluyendo esnan tokante e dies bírgennan i e karnénan i e kabritunan. E storianan akí ta relashoná ku e manera ku nos mester biba segun ku nos ta warda Hesus bin. Pues nan relevansia pa awe huntu ku e señalnan di e pronto regreso di Hesus tur rònt di nos nunka tabata mas signifikante. Den e parabel di e sinku bírgennan (Mat. 25:1-12), hopi komentarista ta señalá ku zeta ta un símbolo di Spiritu Santu. Ellen G. White ta di akuerdo, pero ta bisa tambe ku e zeta akí ta un símbolo pa karakter i ku e ta algu ku niun hende por atkirí pa nos.
Lesa e parabel. Den ki forma e nifikashon di e storia ta kambia, dependiendo si sea bo mira zeta komo un símbolo di Spiritu Santu òf pa poseshon di karakter? Kiko ta e implikashonnan di e storia akí pa bo si e zeta ta representá Spiritu Santu, òf un karakter manera esun di Kristu?
Spiritu Santu:
Karakter:
Lesa e parabel di e karnénan i e kabritunan den Mateo 25:31-46. Ki kriterio Hesus ta usa ora ta separá e karnénan i e kabritunan?
Nota ku e reí ta separá e karnénan i e kabritunan basá riba nan obra, nan karakter. Aunke Hesus no ta siña salbashon pa medio di obranan akí, nos por mira kon importante desaroyo di karakter ta den e plan di salbashon i kon esnan ku ta berdaderamente salbá pa Kristu lo reflehá e salbashon ei a traves di nan bida i karakter.
Nan a bisa ku "karakter ta loke un persona ta den skuridat." Ki sorto di persona bo ta ora niun hende ta wak? Kiko e kontesta ta bisa bo tokante kambionan ku bo tin ku hasi?
44