les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 4: Mirando Kara di e Platé
"E Sabínan"
Lesa pa e siman aki:
Mat. 5:16, 1 Kor. 4:9, , Efe. 3:10, , Job 23:1-10, , Mat. 25:1-12, , Dan. 12:1-10, , Efe. 4:11-16.
TEKSTO PRINSIPAL:
"Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios" (2 Korintionan 3:18).
djarason, 20-07-2022
Ayera nos a wak e importansia di karakter pa esnan ku ta sperando e Segundo Binida. Awe nos lo wak e importansia di karakter pa esnan ku ta bibu na e segundo binida di Hesus mas spesífikamente.
Lesa Daniel 12:1-10. Kiko ta e konteksto? Na kua tempu den historia di tera nan ta referí? Mas importante ainda, kiko nos por bisa di e versíkulonan akí tokante e karakter di Dios Su pueblo durante e tempunan akí? Kua karakterístika ta duna nan, den kontraste ku e malbadonan? Lesa tambe Rev. 22:11.
Ta bisa Daniel ku djis promé ku Hesus bin, lo tin un tempu di angustia sin igual na kualke otro tempu den historia. Den Daniel 12:3, 10 ta duna nos un deskripshon di esnan hustu i esnan malbado durante e tempu aki. Nota kon e malbadonan "lo sigui kometé maldat" (Dan. 12:1, 0) kontrali na esnan hustu, ku den versíkulo 3 ta bria manera splendor, kisas pasobra a "limpia, purifiká i refiná" nan (Dan. 12:1O, Beibel Santu) durante e "tempu di angustia manera nunka tabatin for di tempu ku tabata eksistí un nashon te na e tempu ei" (Dan. 12:1, Beibel Santu). Den kontraste, tambe, e malbadonan no ta komprendé, ma esnan hustu ta "sabí" i ta komprendé.
Komprendé kiko? Matemátika, siensia, kritika superior? Proverbionan ta bisa ku "E temor di SEÑOR ta e prinsipio di konosementu" (Prov. 1:7, , Beibel Santu). Kisas, den e konteksto aki, e "sabínan" ta sabí paso bra nan tin un komprendementu di e eventonan final aki, e tempu di angustia, segun ku e ta desaroyá. Nan no ta haña sorpresa; for di nan estudio di e Palabra, nan sa ku e ta biniendo. I mas importante ainda, nan sa sufisiente pa permití e tempu di angustia akí purifiká i refiná nan; e malbadonan, na otro banda, a bira djis mas kabesura den nan rebelion i asina ta sigui den nan maldat.
E punto krusial ta ku aki nos ta haña un deskripshon di un pueblo ku a pasa den un proseso di refinashon i purifikashon.
Aunke nos a wak e versíkulonan akí den konteksto di e último dianan, kua prinsipio nos ta mira aki ku por yuda nos awor pa komprendé mihó di kiko e proseso di purifikashon i refinashon ta trata, asta pa nos awe?
45