les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 4: Mirando Kara di e Platé
Karakter i Komunidat
Lesa pa e siman aki:
Mat. 5:16, 1 Kor. 4:9, , Efe. 3:10, , Job 23:1-10, , Mat. 25:1-12, , Dan. 12:1-10, , Efe. 4:11-16.
TEKSTO PRINSIPAL:
"Nos tur, sin tin nada pa tapa nos kara, ta mira gloria di Señor manera den un spil i nos ta keda transformá den loke nos ta mira den e spil; nos ta haña mas i mas gloria pa medio di Spiritu di Dios" (2 Korintionan 3:18).
djaweps, 21-07-2022
Un kantika ta bai asin'aki: "Mi ta un baranka, mi ta un isla" Boa yega di sinti asina, ku bo ke para bo so? Bo por a asta tende hende bisa: "Bon, mi relashon ku Dios ta un asuntu privá. No ta algu ku mi ke papia riba dje."
Lesa Efesionan 4:11-16. Kiko Pablo ta trese dilanti aki? Ki ròl e ta duna aki pa komunidat?
Ora Pablo ta skirbi na e efesionan, e ta deskribí e iglesia komo un kurpa. Hesus ta e kabes, i Su pueblo ta komponé e sobrá. Si bo wak Efesionan 4:13, , lo bo nota e propósito final di biba den un komunidat asina-ta eksperensiá "e estatura di e plenitut di Kristu" (Beibel Santu). I pa esei nos tin mester di otro!
Sigur sigur ta posibel ta un kristian kompletamente bo so. Enberdat, manera hopi hende ku a lo largu di siglonan a ridikulisá òf persiguí, para bo so hopi biaha ta inevitabel. Ta un testimonio poderoso na e poder di Dios ku hòmber i muhé no ta dobla bou di preshon ku ta rondoná nan. Sinembargo, miéntras esaki ta bèrdat, Pablo ta deseá di enfatisá un bèrdat krítiko: finalmente, nos ta eksperensiá i revelá e plenitut di Kristu ora nos ta trahando huntu den kompañerismo un ku otro.
Den Efesionan 4:11-16, kiko Pablo ta bisa ku mester sosodé promé ku e plenitut di Kristu por ta revelá den nos komunidat kristian?
Den ki forma e testimonio di un komunidat ku ta revelando e plenitut di Kristu ta diferente for di un individuo ku ta revelando e plenitut di Kristu? Kiko ta e implikashonnan di esaki den konteksto di e gran kontroversia? Lesa Efe. 3:10
Ta fásil ta amabel ora bo ta so òf huntu ku strañeronan, pero ta muchu mas difísil ta amabel ku hende ku sea bo konosé realmente òf no gusta. Esaki ta nifiká ku ora ainda nos ta demostrá e hendenan aki grasia i amabilidat, nos ta proveé un testimonio iresistibel na e bèrdat tokante di Dios.
46