Les di sabbatskol kuartaal 3, aña 2022, Titula: Den e krisol ku Kristu

Les 5: Kalor Ekstremo

Abraham den e Krisol

Lesa pa e siman aki:

Génesis 22, Hos. 2:1-12, , Job 1:6-2:10, 2 Kor. 11:23-29, , Isa. 43:1-7.

TEKSTO PRINSIPAL:

"Pero SEÑOR ker a kibr'é, p'esei El a pon'é sufri. Ya komo el a paga ku su bida pa piká, lo e tin bida largu i mira su desendientenan. Dios lo us'é pa realisá su plan!"(Isaias 53:10).

djadumingu, 24-07-2022

Lesa Génesis 22. For di nada i sin splikashon, di ripiente Dios ta yama Abraham pa ofresé su propio yu komo un sakrifisio kimá. Bo por imaginá bo kon Abraham mester a sinti? Tabata un idea totalmente repugnante ku un Dios santu lo mester pidi pa bo sakrifiká bo propio yu. Asta si Abraham a pensa ku esaki tabata aseptabel, ke tal di Dios Su promesanan di un herensia? Sin su yu, e promesa lo a bai.

Di kon Dios a pidi Abraham pa ofresé e sakrifisio akí? Si Dios sa tur kos, kiko tabata e punto?

Dios Su petishon i su momento no tabata kasualidat. Enbèrdat, e tabata kalkulá na eksaktamente e angustia di mas profundo posibel, pasobra "Dios a reservá Su último tèst, esun di mas difísil pa Abraham te ora e karga di añanan tabata pisá riba dje, i e tabata anhelá pa sosiegu."-Ellen G. White, Patriarchs and Prophets, p. 147. Esaki tabata un tèst di un Dios rabiá? Absolutamente ku no, pasobra "Dios a permití e agonía ku el a soportá durante e dianan skur di e prueba teribel ei pa e por a komprendé, for di su propio eksperensia, algu di e grandesa di e sakrifisio hasí pa e Dios infinito pa redenshon di hende."-Patriarchs and Prophets, p. 154.

Esaki tabata djis un tèst-Dios nunka tabatin intenshon pa Abraham mata su yu. Esaki ta enfatisá algu masha importante tokante e manera ku Dios ta traha tin biaha. Dios por pidi nos hasi algu ku nunka E tin intenshon pa nos kompletá. E por pidi nos pa bai un kaminda ku nunka E tin intenshon pa nos yega. Loke ta importante pa Dios no nesesariamente ta e fin, sino loke nos ta siña miéntras E ta reformá nos a traves di e proseso.

Hesus por tabata pensando tokante e eksperensia di Abraham ora El a bisa e hudiunan: " 'Boso tata Abraham a bira kontentu, pasobra e tabatin speransa di mira e ora di mi binimentu. El a mir'é i a keda kontentu!' "(Huan 8:56). Abraham por a omití riba e persepshon aki, i rechasá e instrukshonnan komo di Satanas. E klave na e sobrebibensia i siñamentu di Abraham a lo largu di henter e proseso tabata su konosementu di e bos di Dios.

Kon bo ta konosé e bos di Dios? Kon bo sa ora Dios ta papiando ku bo? Kua ta e formanan ku E ta komuniká Su boluntat na bo?

54