les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 5: Kalor Ekstremo
Mas Estudio:
Lesa pa e siman aki:
Génesis 22, Hos. 2:1-12, , Job 1:6-2:10, 2 Kor. 11:23-29, , Isa. 43:1-7.
TEKSTO PRINSIPAL:
"Pero SEÑOR ker a kibr'é, p'esei El a pon'é sufri. Ya komo el a paga ku su bida pa piká, lo e tin bida largu i mira su desendientenan. Dios lo us'é pa realisá su plan!"(Isaias 53:10).
djabierne, 29-07-2022
Lesa Ellen G. White, "The Tèst of Faith", p. 145-155 den Patriarchs and Prophets; "Praise Ye the Lord," p. 315-319 den Tèstimonies for the Church, tomo 5.
"Dios semper a proba Su pueblo den e fòrnu di aflikshon. Ta den e kayente di e fòrnu, ta separá e desperdisio for di e oro berdadero di e karakter kristian. Hesus ta vigilá e tèst; E sa kiko ta nesesario pa purifiká e metal presioso, pa e por reflehá e resplandor di Su amor. Ta pa medio di prueba djaserka Dios ta disipliná Su sirbidónan. E ta mira ku algun tin poder ku nan por usa pa avanse di Su obra, i E ta pone e personanan akí na prueba; den Su providensia E ta trese nan den posishon ku ta tèst nan karakter. E ta mustra nan nan propio debilidat, i ta siña nan pa len riba djE Asina E ta alkansá Su ophetivo. Nan ta eduká, kapasitá, i disipliná, prepará pa kumpli ku e grandioso propósito pa loke El a duna nan poder."-Ellen G. White, Patriarchs and Prophets, p. 129, 130.
"Si den e providensia di Dios ta yama nos pa soportá prueba, laga nos aseptá e krus i bebe e kopa amargo, rekòrdando ku ta e man di unTata ku ta ten'é na nos lepnan. Laga nos konfi'E den skuridat komo tambe den día. Nos no por kere ku E lo duna nos tur kos ku ta pa nos bon? Asta den e anochi di aflikshon, kon nos por nenga di halsa kurason i bos den alabansa gradesido, ora nos rekòrdá e amor ekspresá na nos na e krus di Kalvario?"-Ellen G. White, Tèstimonies for the Church, vol. 5, p. 316.
Pregunta pa Diskushon:
1. Den klas, laga un hende konta di su propio tèst di fe ku, si e no tabata tan intenso manera Abraham tabatin, tabata ainda duru sufisiente. Kiko bo por siña for di e persona ei su eksperensia, for di su éksito of fayonan?
2. Repasá e último 24 oranan di bida di Kristu promé ku Su krusifikashon. Kua ekstremo El a enfrentá? Kon El a soportá? Kua prinsjpio nos por saka for di Su ehèmpel i apliká pa nos mes ora nos ta meimei di nos propio krisol?
3. Diskutí e idea ku nos a toka e siman akí, tokante kon a traves di nos propio sufrimentu nos por ministrá na otro ku ta sufriendo. No ta importá kon berdadero e lo por ta, kiko ta algun di e problemanan ku nos lo por topa ku e idea akí?
4. Ellen G. White a skirbi ariba: "Laga nos konfi'E den sukú komo tambe den dia". Esei ta mas fásil bisá ku hasí. Kon nos por yuda otro desaroyá e tipo di fe ku lo kapasitá nos pa hasi presis esei? Di kon ta importante pa konfia Dios den e tempunan malu?
59