les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 6: Luchando Ku Tur Energia
Luchando Ku Tur Energia
Lesa pa e siman aki:
Huan 16:5-15; Kol. 1:28, 29; 1 Pedr. 1:13, , Mat. 5:29; Génesis 32.
TEKSTO PRINSIPAL:
"Esei ta meta di mi lucha i di e trabou duru ku mi ta hasi, ku yudansa di poder di Kristu ku ta traba fuertemente den mi" (Kolosensenan 1:29).
sabbat, 30-07-2022
Un hòmber i un muhé tabata sintá huntu na un programa di entrevista. Tur dos a eksperensiá asesinato di un mucha. Nan a asesiná yu hòmber di e muhé 20 aña pasá, i su rabia i amargura tabata mes grandi ku semper. E hòmber tabata totalmente diferente. Teroristanan a asesiná su yu muhé un par di aña anterior. El a papia tokante pordon pa ku e asesinonan i tokante kon Dios a transformá su doló. Maske kon teribel e doló tabata, e hòmber akí a bira un ilustrashon di kon Dios por trese sanashon na e momento di mas skur di nos bida.
Kon dos hende por reakshoná di forma asina diferente? Kon kambio spiritual por tuma lugá den bida di un kristian, kapasitando e individuo pa madurá a traves di krisolnan di bida, na lugá ku nan aplast'é kompletamente?
Un Bista Riba e Siman: Kiko ta e ròl di nos boluntat, i forsa di boluntat, den e bataya ku e ami i piká? Kon nos por evitá e eror di laga nos sintimentunan goberná e desishonnan ku nos ta tuma? Di kon nos mester perseverá i no entregá ora nos ta den e krisol?
Studia e lès di e siman akí pa prepará pa Sabat, 6 di ougustus.
65