les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 6: Luchando Ku Tur Energia
Mas Estudio:
Lesa pa e siman aki:
Huan 16:5-15; Kol. 1:28, 29; 1 Pedr. 1:13, , Mat. 5:29; Génesis 32.
TEKSTO PRINSIPAL:
"Esei ta meta di mi lucha i di e trabou duru ku mi ta hasi, ku yudansa di poder di Kristu ku ta traba fuertemente den mi" (Kolosensenan 1:29).
djabierne, 05-08-2022
Lesa Ellen G. White, "The Night of Wrestling", p. 195-203, den Patriarchs and Prophets; "Consecration", p. 43-48, den Steps to Christ.
"E boluntat akí, ku ta forma un faktor importante den karakter di hende, tabata entregá na e Kaida na kontrol di Satanas; i desde e tempu ei el a bin ta traha den hende e deseo i anhelo pa hasi su propio plaser, pero pa e ruina i miseria total di hende."-Ellen G. White, Testimonies for the Church, tomo 5, p. 515.
"Pa risibí ayudo di Dios, hende mester realisá su debilidat i defisiensia; e mester apliká su propio mente na e gran kambio ku mester hasi den e mes; e mester spiert'é na orashon i esfuerso sinsero i perseverante. Mester saku dí hábito i kustumber robes tira abou; i ta solamente pa medio di esfuerso determiná pa koregí e erornan akí i pa konformá na prinsipionan korekto, por gana viktoria. Hopi nunka ta alkansá e posishon ku kisas nan lo por okupá, pasobra nan ta warda pa Dios hasi pa nan loke ku El a duna nan poder pa hasi pa nan mes. Mester kapasitá tur ku ta ekipá pa utilidat pa medio di e disiplina mental i moral di mas severo, i Dios lo asistí nan ku poder divino uní ku esfuerso humano." Ellen G. White, Patriarchs and Prophets, p. 248.
Pregunta pa Diskushon:
1. Te na ki grado bo ta kere ku realmente nos ta rekonosé ku nos boluntat tabata "duná na kontrol di Satanas na e Kaida"? Kon, enfokando riba e karakter di Hesus, nos por komprendé mihó kon kaí nos ta i kon grandi e grasia di Dios ta pa ku nos?
2. Lesa e storia di Hesus den Getsémani (Mat. 26:36-42). Kua tabata Hesus Su propio sintimentu i deseo, kontrali na Dios Su boluntat? Kiko nos por siña di e ehèmpel aki?
3. Komo klas, papia tokante e diferente kosnan den boso propio kultura ku por obra pa kibra nos defensa i laga nos mas vulnerabel na e atakenan di Satanas. Kiko nos por hasi pa yuda otro miembronan di iglesia ta konsiente di e peligernan aki, komo tambe yuda esnan ku ta sinti e nesesidat di yudansa?
4. Bo konosé un hende den bo iglesia ku no tabat'ei pa basta un tempu largo, ku kisas por ta preparando pa entregá of ya a entregá? Kiko boso por hasi komo grupo pa enkurashá e persona aki, pa yud'é pa no bira lomba pa Hesus? Ki kosnan práktiko boso por hasi pa yuda?
71