les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 7: Speransa Indestruktibel
Mas Estudio:
Lesa pa e siman aki:
Hab. 1:1-4, , Job 38-41, Isa. 41:8-14, , Yer. 29:1-10, , Hebr. 12:1-13
TEKSTO PRINSIPAL:
"Anto e speransa ei no ta defroudá nos, pasobra Dios a drama su amor den nos kurason pa medio di Spiritu Santu ku El a duna nos" (Romanonan 5:5).
djabierne, 12-08-2022
Lesa Ellen G. White, ''The School of the Hereafter", p. 301-309, den Education; "Help in Daily Living", p. 470, 471, den The Ministry of Healing.
"Den eksperensia di tur hende ta presentá momentonan di desapunto pisá i deskurashamentu total dianan ora tristesa ta e porshon, i ta difísil pa kere ku Dios ainda ta e benefaktor amabel di Su yunan mortal; dianan ora problema ta tormentá e alma, te ora morto parse mas preferíbel ku bida. Ta e ora ei ku hopi ta pèrdè nan grep riba Dios i ta yega den e sklabitut di duda, e koutiverio di inkredulidat. Si na momentonan
asina nos lo por a diserní ku persepshon spiritual, e nifikashon di Dios su providensianan, nos lo mester a mira angelnan ku ta tratando na salba nos for di nos mes, luchando pa plantía nos pia riba un fundeshi ku ta mas firme ku e serunan eterno, i fe nobo, bida nobo, lo asurgí den eksistensia."-Ellen G. White, Prophets and Kings, p. 162.
Pregunta pa Diskushon:
1. Ellen G. White ta bisa ku nos "tur" ta eksperensiá momento di "desapunto pisá i deskurasbamentu total". Kon bon nos ta tuma nota di otro segun ku nos ta pasa den momentonan asina? Kon nos por siña mihó pa ta agentenan di speransa un pa otro ora nos ta eksperensiá desapunto asina amargo?
2. Komo klas, pasa riba boso kontestanan riba e último pregunta di djamars. Ki diferensia el a hasi den bo bida miéntras bo a yega di mantené e realidat di Dios su serkania bo dilanti?
3. Den klas, lesa sekshonnan den Job 38-41 na bos duru. Ki tipo di kuadro di Dios e ta presentá? Kiko bo ta siña ku ta duna bo speransa i ánimo? Kon Sabat ta pas den e kuadro aki? Kon e ta yuda tene e naturalesa i karakter di Dios nos dilanti?
4. Speransa ku ta transformá ta bin di shelu. Esaki ta nifiká ku nos por resa pa trese speransa den otro su bida. Pasa algun tempu ta resa pa esnan ku nan speransa a bin ta tambaliá resientemente, pa nan speransa por ta renobá. Mas ku esei, kiko bo por hasi pa otronan ku ta den un lucha ku nan ta perdiendo, pa nan haña speransa?
5. Si un hende ta dispuesto, pidi e persona ei pa konta di un tempo ku desesperashon i prueba a pon'é pèrdè speransa i fe. Kiko a bira e persona ei bèk? Kiko nos por kompartí un ku otro ku por yuda ora nos ta den momentonan di duda i desesperashon?
83