Les di sabbatskol kuartaal 3, aña 2022, Titula: Den e krisol ku Kristu

Les 7: Speransa Indestruktibel

Ken Nos Tata Ta

Lesa pa e siman aki:

Hab. 1:1-4, , Job 38-41, Isa. 41:8-14, , Yer. 29:1-10, , Hebr. 12:1-13

TEKSTO PRINSIPAL:

"Anto e speransa ei no ta defroudá nos, pasobra Dios a drama su amor den nos kurason pa medio di Spiritu Santu ku El a duna nos" (Romanonan 5:5).

djaluna, 08-08-2022

Oswald Chambers ta skirbi: "Bo a bin ta puntra Dios kiko E ta bai hasi? E lo no bisa bo nunka. Dios no ta bisa bo kiko E ta bai hasi; E ta revelá na bo Ken E ta."-My Utmost far His Highest (Uhrichsville, OH: Barbour & Company, Inc., 1963), 2 di yanüari.

Kiko bo ta kere Chambers ke men ku e idea akí?

Manera nos sa, e buki di Job ta kuminsá ku un gran tragedia personal pa Job. E ta pèrdè tur kos, eksepto su bida i su kasá, i esaki ta sugerí pa e " 'Blasfemá Dios i muri numa!' "(Job 2:9). Loke ta sigui ta un diskushon ku su amigunan ta purba saka afó di kon tur esaki a sosodé. A lo largu di tur e diskushonnan akí, Dios ta permanesé ketu.

Despues, di ripiente, den Job 38 Dios ta aparesé i ta papia:" 'Ken ta esun ku ta nubla e konsepto, ku Mi ke pa hende tin di Mi, papiando sin konosementu?' "(Job 38:2). Sin tuma pouze, Dios ta puntra Job alrededor di 60 pregunta ku ta laga bo boka habri. Habri bo Beibel i skèn den esakinan den Job 38 i 39.

Despues di e último pregunta, Job ta kontestá: " 'Kiko ami, ku no ta nada, por bisa? No a keda mi nada otro ku tapa mi boka ku mi man. Mi a papia diferente be, pero awor sí no mas!'" (Job 40:4, 5). Pero Dios no ta kla. E ora ei E ta kuminsá atrobe i ta hasi un set di pregunta "grandi" tras di otro.

Lesa Job su kontesta final den Job 42:1-6. Kiko Dios tabata tratando na bisa Job, i kiko tabata e efekto riba dje?

Dios nunka ta kontestá niun di e preguntanan di "di kon"di e amigunan di Job. Pero Dios sí ta pinta un kuadro di Su grandesa inkomparabel manera revelá a traves di e obranan asombroso di kreashon. Despues di esaki, Job siguramente no tin mester di mas kontesta. Un kuadro aplastante di e realse di Dios a skuresé e nesesidat di splikashon.

E storia akí ta revelá un paradoha fasinante. Speransa i enkurashamentu por lanta for die realisashon ku nos sa asina poko. Instintivamente, nos ta purba haña konsuelo den sa tur kos, i asina nos ta deskurashá ora nos no por sa. Pero tin biaha Dios ta destaká nos ignoransia pa asina nos por realisá ku speransa humano por haña seguridat solamente den un Ser muchu mas grandi ku nos mes.

Kosnan ku bo no por komprendé ta tumando lugá aworakí? Si ta asina, enfoká riba e karakter di Dios. Kon hasiendo esei por duna bo e speransa ku bo tin mester pa perseverá a traves di Ioke pa awor ta inkomprendibel?

79