Les di sabbatskol kuartaal 3, aña 2022, Titula: Den e krisol ku Kristu

Les 7: Speransa Indestruktibel

E Presensia di Nos Tata

Lesa pa e siman aki:

Hab. 1:1-4, , Job 38-41, Isa. 41:8-14, , Yer. 29:1-10, , Hebr. 12:1-13

TEKSTO PRINSIPAL:

"Anto e speransa ei no ta defroudá nos, pasobra Dios a drama su amor den nos kurason pa medio di Spiritu Santu ku El a duna nos" (Romanonan 5:5).

djamars, 09-08-2022

"Pasobra Ami ta SEÑOR, bo Dios, Mi ta kohe bo man tene i bisa bo: 'No tene miedo, Mi ta yuda bo'" (Isa. 41:13).

Un hende a yega di bisa: "Ora Dios ta parse leu, ken ta esun ku a move?" Ora problema dal, nos ta presumí ku Dios a bandoná nos. E bèrdat ta ku E no a bai niun kaminda.

Dios Su presensia tabata parse masha leu pa e hudiunan den eksilio. Sinembargo, a traves di Isaias Dios ta sigurá nan di futuro liberashon. Sinembargo, miéntras e regreso aktual na Herusalem tabata ainda hopi aña den futuro, Dios tabata ke pa Su pueblo sa ku E no a move bai for di nan i ku tabatin tur rason pa speransa.

Lesa Isaias 41:8-14. Kua motibu pa speransa bo por identifiká pa hendenan ku ta spera ansiosamente pa futuro liberashon? Kon e promesa akí ta yuda nos miéntras nos ta warda pa nos eksilio riba tera terminá?

Un di e imágennan di mas poderoso den e versíkulonan akí, nos ta haña den Isaias 41:13. E Dios soberano di universo ta bisa ku Su pueblo no mester tin miedu, pasobra E ta esun kende ta" 'kohe bo man tene' ". Ta un kos imaginá Dios guiando eventonan riba tera for di un trono grandi, añanan di lus leu for di tera. Pero ta un kuadro kompletamente diferente realisá ku E ta serka sufisiente pa tene e mannan di Su pueblo stimá.

Ora nos ta okupá, por ta difísil pa kòrda ku Dios ta asina serka di nos. Pero ora nos kòrda ku e ta Emanuel, "Dios ku nos", e ta hasi asina un diferensia. Ora Dios su presensia ta huntu ku nos, Su propósito, Su promesa, i Su poder transformador tambe t'ei.

Durante e siguiente par di dia, purba un eksperimento. Na tur momento posibel, purba kòrda bo mes ku e Dios di universo ta serka sufisiente di bo pa tene bo man i personalmente ta primintí bo yudansa. Tene un registro di kon esaki ta kambia e manera ku bo ta biba. Ta prepará pa diskutí bo eksperensia den klas riba Sabat.

80