Les di sabbatskol kuartaal 3, aña 2022, Titula: Den e krisol ku Kristu

Les 8: Mirando Loke ta Invisibel

Mirando Loke ta Invisibel

Lesa pa e siman aki:

Rom. 8:28-39, , Huan 14:1-14, , Efe. 1:18-23, , Isa. 40:27-31.

TEKSTO PRINSIPAL:

"Pasobra e tabatin fe, el a sali bai for di Egipto sin tabatin miedo di rei. El a perseverá, manera un hende ku tabata mira e Dios invisibel" (Hebreonan 11:27).

sabbat, 13-08-2022

E definishon di fe den e buki di Hebreonan semper ta desafiante. "Awor fe ta e siguransa di kosnan ku hende ta spera, e konvikshon di kosnan ku hende no ta mira" (Hebr. 11:1, , Beibel Santu). Kon nos por ta sigur tokante loke nos no ta mira? Sinembargo, esaki ta eksaktamente loke Moises ta ilustrá den nos teksto di memoria: "El a perseverá, manera un hende ku tabata mira e Dios invisibel" (Hebr. 11:27).

Ta ainda mas desafiante realisá ku nos ta yamá pa mira "esun ku ta invisibel" no simplemente ora tempu ta bon, sino spesialmente ora tur kos ta bai robes. Pa esaki nos tin mester di fe, un fe manera di Kristu, ku e bèrdat tokante Dios i e reino di Dios mester forma. E bèrdat tokante e bondat di nos Tata, e poder den e nòmber di Hesus, e poder di e Resurekshon, i e kompashon di Dios ta bèrdatnan esensial ku lo kapasitá nos pa para fuerte ora nos ta den e krisol i por ta tentá pa duda tur kos.

Un Bista Riba e Siman: Kua bèrdat tokante Dios por yuda sostené nos a traves di asta e situashonnan di mas pió?

Studia e lès di e siman akí pa prepará pa Sabat, 20 di ougùstùs.

89