Les di sabbatskol kuartaal 3, aña 2022, Titula: Den e krisol ku Kristu

Les 9: Un Bida di Alabansa

Un Bida di Alabansa

Lesa pa e siman aki:

Fil. 4:4-7, , Hos. 5:13- 6:20, Salmo 145, Echonan 16:16-34, 2 Kron. 20:1-30.

TEKSTO PRINSIPAL:

"Keda semper kontentu den Señor! Mi ta ripití: Keda kontentu!" (Filipensenan 4:4).

sabbat, 20-08-2022

Semper ta fásil pa grita ku goso na Señor ora nos ta sinti goso. No ta asina fásil, sinembargo, ora kos ta malu, ora nos ta den e situashonnan di mas malu posibel, ora e krisol keinta. Tòg, e ta presisamente loke nos tin mester e ora ei-kisas mas ku nunka-alabá Dios, pasobra alabansa ta un medio pa yuda nos sostené fe.

Enbèrdat, alabansa por transformá asta nos sirkunstansianan di mas skur, kisas no den sentido ku e ta kambia e echonan rònt di nos, ma den sentido ku e por kambia nos, i esnan rònt di nos, di un forma ku ta yuda nos enfrentá desafio.

Alabansa ta fe den akshon. Kisas no semper e ta natural pa nos, pero ora nos praktiká alabansa pa asina e bira un partí natural di nos bida, e tin poder pa tantu kombertí komo konkistá.

Un Bista Riba e Siman: Kiko ta alabansa? Kon alabansa lo por ta un arma spiritual asina poderoso den sirkunstansia difísil? Kon alabansa por transformá nos i e situashon rònt di nos?

Studia e lès di e siman akí pa prepará pa Sabat, 27 di ougùstùs.

101