les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 9: Un Bida di Alabansa
Mas Estudio:
Lesa pa e siman aki:
Fil. 4:4-7, , Hos. 5:13- 6:20, Salmo 145, Echonan 16:16-34, 2 Kron. 20:1-30.
TEKSTO PRINSIPAL:
"Keda semper kontentu den Señor! Mi ta ripití: Keda kontentu!" (Filipensenan 4:4).
djabierne, 26-08-2022
Lesa Ellen G. White, "Jehoshaphat", p. 190-203, den Prophets and Kings; ''The Fall of Jericho," p. 487-498, den Patriarchs and Prophets.
"E ora ei, laga nos eduká nos kurason i lepnan pa papia e alabansa di Dios pa Su amor inkomparabel. Laga nos eduká nos alma pa ta yen di speransa i pa keda den e lus ku ta bria for di e krus di Kalvario. Nos no mester lubidá nunka ku nos ta yu di e Rei selestial, yu hòmber i muhé di e Señor di ehérsitonan. Ta nos privilegio pa mantené un deskanso kalmu den Dios."-Ellen G. White, The Ministry of Healing, p. 253.
"I miéntras mi ta adorá i engrandes'E, mi ke pa bo engrandes'é huntu ku mi. Alabá Señor asta ora bo kai den skuridat. Alab'E asta den tentashon. 'Keda semper kontentu den Señor,' e apòstel ta bisa, 'Mi ta ripití: Keda kontentu!' Esei lo trese melankolia i skuridat den bo famia? No, enbèrdat; e lo trese un rayo di solo. Por lo tantu, lo bo reuní rayonan di lus eterno for di e trono di gloria i plama nan rònt di bo. Laga mi kurashá bo pa okupá bo mes ku e trabou akí, plama e lus akí i bida rònt di bo, no solamente den bo mes kaminda, ma den kaminda di esnan ku ken bo ta asosiá. Lag'é ta bo ophetivo hasi esnan rònt di bo mihó, pa elevá nan, pa mustra nan na shelu i gloria, i guia nan pa buska, riba tur kos terenal, e sustansia eterno, e herensia inmortal, e rikesanan ku ta indestruktibel."-Ellen G. White, Testimonies for the Church, tomo 2, p. 593,594.
Pregunta pa Diskushon:
1. Ki ròl alabansa di komunidat tin den bida di e kristian? Kon lo bo deskribí e alabansa den boso sirbishi di Sabat? E ta elevador? E ta kurasbá miembronan pa mantené fieldat meimei di prueba i trouma? Si no ta asina, kiko por hasi?
2. Kiko ta nifiká "alabá Señor asta ora bo kai den skuridat" òf "alab'E asta den tentashon"? Kon alabansa por yuda nos a traves di e situashonnan akí?
3. Laga miembronan duna testimonio kon alabansa a afektá nan bida. Kiko boso por siña for di otro su eksperensia?
4. Komo klas, skohe un salmo di alabansa i pasa tempo lesando e. Kiko e ta siña bo tokante alabansa? Ki impakto alabansa tin riba bo fe?
107