les di Sabbatskol
otro idioma
Les di sabbatskol kuartaal 3, aña 2022, Titula: Den e krisol ku Kristu
Les 9: Un Bida di Alabansa
Basha Muraya Abou Resando
Lesa pa e siman aki:
Fil. 4:4-7, , Hos. 5:13- 6:20, Salmo 145, Echonan 16:16-34, 2 Kron. 20:1-30.
TEKSTO PRINSIPAL:
"Keda semper kontentu den Señor! Mi ta ripití: Keda kontentu!" (Filipensenan 4:4).
djaluna, 22-08-2022
Tin un ekspreshon na papiamentu: "hinká den un huki". Imaginá bo ta fèrf e flur di un kamber pero ta realisá e ora ei ku bo a resultá den un huki i no por sali-eksepto ku kana riba e fèrf fresku. Bo tin ku keda einan te ora e seka!
Tin biaha ta parse ku nos fe ta hinka nos den un huki. Nos ta yega na un situashon, i, meskos ku e fèrf muhá riba flur, nos fe ta "kue nos den trampa". Nos ta wak e situashon, i sea nos tin ku rechasá Dios, fe, i tur kos ku nos a kere aden, òf nos fe ta obligá nos pa kere loke ta parse imposibel.
Dios a trese e israelitanan den un huki. Despues ku nan a dual pa 40 aña den desierto, Dios no a guia Su pueblo na lugánan di yerba bèrde pasífiko i bashí. Dios a hiba nan na un di e statnan mas fuerte fortifiká den henter e área. Despues nan mester a kana rònt di Yériko den silensio pa seis dia. Riba e di shete dia Dios a bisa nan pa grita-i e gritamentu ei, huntu ku e trompetnan, lo a trese viktoria.
Lesa Yozué 5:13-6:20. Kiko Dios ta trata di siña e israelitanan?
Grita duru no tabata bai kousa vibrashon pa provoká ku e murayanan ta koleps. Ora Dios a yama e israelitanan pa "grita", tabata e mesun gritamentu ku David ta skirbi di dje den Salmo 66: "Grita di alegria na Dios, mundu henter; kanta e gloria di Su nomber; hasi Su alabansa glo rioso"(Salmo 66:1, 2, , Beibel Santu). E gritamentu akí tabata alabansa! Despues di seis dia di wak e murayanan enorme, nan mester a konkluí ku nan no tabatin un chens di basha nan abou nan mes.
Kon e idea akí ta yuda nos komprendé e nifikashon di Hebreonan 11:30?
Ora Dios ta na punto di hasi algu nobo den nos bida, E por trese nos na un Yériko, pasobra E lo tin mester di siña nos ku e poder pa triunfá no ta bin den nos mes forsa i strategia. Tur loke nos mester ta bin for di pafó di nos mes. Asina ta, no ta importá kiko tin nos dilanti, no ta importá kon insuperabel e por parse, nos ròl ta pa alabá Dios-e fuente di tur loke nos mester. Esaki ta fe den akshon.
103