Les di sabbatskol kuartaal 3, aña 2022, Titula: Den e krisol ku Kristu

Les 9: Un Bida di Alabansa

Bida di Alabansa

Lesa pa e siman aki:

Fil. 4:4-7, , Hos. 5:13- 6:20, Salmo 145, Echonan 16:16-34, 2 Kron. 20:1-30.

TEKSTO PRINSIPAL:

"Keda semper kontentu den Señor! Mi ta ripití: Keda kontentu!" (Filipensenan 4:4).

djamars, 23-08-2022

Alabá Señor kisas no por ta natural pa nos, asta den sirkunstansia bon. Pues, kuantu mas difisil pa hasié den esnan malu? Sinembargo, ta esei ta loke nos ta yamá pa hasi. Alabansa ta algu ku nos mester praktiká te ora e kambia di ta un aktividat hasí na un momento partikular na un atmósfera kaminda nos ta biba. Alabansa no mester ta un akto spesífiko, sino un forma spesífiko di bida mes

Lesa Salmo 145. Kua ta e motibonan ku David ta duna pa alabá Dios? Den ki forma e palabranan di e salmo akí lo mester ta propio di bo?

E gran predikador britániko Charles Haddon Spurgeon a skirbi un buki yamá The Practice of Praise. E ta basá riba versíkulo 7 di e salmo di awe. Den e versíkulo kòrtiku aki, Spurgeon ta yama nos atenshon na tres kos importante ku por yuda den desaroyá alabansa den nos bida.

1. Nos ta praktiká alabansa ora nos wak rònt di nos. Si nos no wak rònt di nos pa mira e grandesa di Dios, nos lo no tin motibu pa alab'E. Kiko bo por mira den e mundu kreá ku ta digno di alabansa, manera e bunitesa di Dios su kreashon? Kiko bo por mira den e mundu spiritual ku ta digno di alabansa, manera e fe kresiente den un hóben kristian?

2. Nos ta praktiká alabansa ora nos kòrda loke nos a mira. Si nos ke biba den un atmósfera di alabansa, nos mester ta kapas pa kòrda e motibu p'e. Den ki forma nos por kòrda e gran kosnan tokante Dios (manera desaroyá ritual òf símbolo nobo ku ta kòrda nos riba Su bondat), pa asina Su bondat i e bèrdat tokante djE no slep for di nos mente?

3. Nos ta praktiká alabansa ora nos ta papia di dje. Alabansa no ta algu ku nos ta hasi den nos kabes. Ta e intenshon pa e sali for di nos boka, pa esnan rònt di nos tend'é. Kua motibu bo por pensa pa alabá Dios verbalmente? Kiko e efekto di un alabansa asina lo ta, i riba ken?

Kue un pen i papel i pasa algun tempu ta traha riba e tres puntonan aki. Kiko bo por hasi pa desaroyá e kustumber di alabansa den bo bida?

104