Les di sabbatskol kuartaal 3, aña 2022, Titula: Den e krisol ku Kristu

Les 9: Un Bida di Alabansa

Un Arma Ku ta Konkistá

Lesa pa e siman aki:

Fil. 4:4-7, , Hos. 5:13- 6:20, Salmo 145, Echonan 16:16-34, 2 Kron. 20:1-30.

TEKSTO PRINSIPAL:

"Keda semper kontentu den Señor! Mi ta ripití: Keda kontentu!" (Filipensenan 4:4).

djaweps, 25-08-2022

Lesa 2 Krónikanan 20:1-30. Manera Yoshafat a deskubrí, alabansa ta un arma poderoso. Despues di a risibí e raport ku un "ehérsito grandi" tabata biniendo kontra dje, Yoshafat no a bula den akshon militar inme­ diatamente, sino "el a disidí di bai serka SEÑOR"(2 Kron. 20:3). Ora e pueblo di Huda a bin Herusalem pa un ayuno, Yoshafat a atmití e realidat di e situashon, bisando ku " 'nos no tin forsa pa resistí e ehérsito grandi akí ku a ranka salí kontra nos. Nos no sa kiko nos mester hasi, pero nos ta fiha nos bista riba Bo' "(2 Kron. 20:12).

Ora bo mira un "ehérsito grandi" ta aserkando, kiko ta bo reakshon instintivo? For di Yoshafat su reakshon den 2 Krónikanan 20:3-12, , kiko bo por siña tokante dil ku oposishon aplastante?

Ora e Spiritu di Señor a bin riba Yahaziel, el a anunsiá sin miedu: " 'Pero boso no mester bringa kontra nan. Al kontrario, posishoná boso na un distansia i wak kon Ami ta duna boso viktoria. Habitantenan di Huda i Herusalem, no tene miedu, no laga nan hinka miedu den boso! Mañan boso mester ranka salí kontra nan, Ami, SEÑOR ta ku boso!'" (2 Kron. 20:17). Despues di esei, nan a adorá Dios i a kanta alabansa na djE "ku tur nan forsa"(2 Kron. 20:19). Aunke Dios tabata bai bringa pa nan, ainda nan mester a salí bai pa enfrentá e enemigu. Pero esaki no tabata un marcha ordinario pa guera. Yoshafat a apuntá un koro pa kanta alabansa na Señor segun ku nan tabata marcha salí bai. "Na momento ku nan kuminsá grita i kanta, SEÑOR tabata perkurá pa tabatin atakenan inesperá riba e amonitanan, e moabitanan i e habitantenan di e serunan di Seír, ku a sali pa bringa kontra Huda, di manera ku nan a sufrí perdidanan grandi" (2 Kron. 20:22). Di akuerdo ku e outor, Dios a intervení na mes momento ku nan a ehersé nan fe den Su promesa, miéntras nan a kuminsá "bistí ku paña sagrado" (2 Kron. 20:21).

Lesa 2 Krónikanan 20:1-30 atrobe. Kua prinsipio spiritual bo por haña ku por apliká na bo propio relashon ku Dios, spesialmente den tempu di prueba i stres?

106