les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 1: Hesus ta Gana-Satanas ta Pèrdè
Hesus ta Gana-Satanas ta Pèrdè
Lesa pa e siman aki:
Revelashon 12; Efe. 5:25-27, 32; Fil. 3:9; Dan. 7:25; Isa. 14:12-14; Rev. 13:14-17.
TEKSTO PRINSIPAL:
"Awor e dragon a bira furioso riba e muhé. El a bai pa bringa ku e otro yunan di e muhé, esta esnan ku ta kumpli ku e mandamentunan di Dios i ta keda tene na testimonio di Hesus" (Revelashon 12:17).
sabbat, 25-03-2023
Den Outnumbered: Incredible Stories of History's Most Surprising Battlefield Upsets, Cormac O'Brien ta konta e storianan di ehérsitonan ku, aunke nan tabata seriamente den minoria, tòg a gana. E ta konta di e ehérsito di Hanibal di 55.000 soldá, di Cartago, derotando e ehérsito romano "invensibel" fuerte di 80.000. E ta konta e storia asombroso di e ehérsito griego di Alejandro e Grandi ku a derotá e imperio di Persia.
Nos tambe ta den un bataya di bida i morto ku un enemigu astuto. Nos ta den minoria, bringando kontra posibilidatnan inkreibel. E forsanan di maldat ta parse invensibel. Parse ku nos ta enfrentá sierto perdida. Derota ta parse inevitabel. Viktoria parse for di bista. For di un perspektiva meramente humano, ta parse ku e forsanan di Satanas lo aplastá nos.
Pero, danki Dios, aunke nos ta den minoria, aunke e posibilidatnan ta (humanamente bisá) montoná kontra nos, aunke e atakenan di Satanas ta visioso, a traves di Hesus nos lo gana finalmente. E tema di e último buki di Beibel, Revelashon, ta esaki: Hesus ta Gana, Satanas ta Perde. E kurason di e bataya akí ta deliniá den Revelashon 12, e enfoke di nos estudio di e siman akí. E estudio akí lo duna un bon preparashon pa komprendé Revelashon 14 i e mensahenan di e tres angelnan.
7