les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 1: Hesus ta Gana-Satanas ta Pèrdè
SATANAS SU ATAKE
Lesa pa e siman aki:
Revelashon 12; Efe. 5:25-27, 32; Fil. 3:9; Dan. 7:25; Isa. 14:12-14; Rev. 13:14-17.
TEKSTO PRINSIPAL:
"Awor e dragon a bira furioso riba e muhé. El a bai pa bringa ku e otro yunan di e muhé, esta esnan ku ta kumpli ku e mandamentunan di Dios i ta keda tene na testimonio di Hesus" (Revelashon 12:17).
djaluna, 27-03-2023
For di komienso, Satanas (wak Rev. 12:4, 5) a trata na destruí Kristu. Sin embargo, den tur intento, Satanas a faya. Na nasementu di Kristu, por ehempel, un angel a spierta Hosé i Maria tokante e plannan visioso di Heródes, i nan a hui bai Egipto. Hesus a enfrentá e tentashonnan di mas atraktivo di Satanas den desierto ku un "Ta pará skirbí", i asina a haña protekshon den e Palabra di Dios. Ku Su morto riba e krus, El a revelá e magnitut di Su amor i a libra nos di e kastigu di kondenashon di piká. Ku Su resurekshon, komo nos Sumosaserdote bibu, E ta libra nos di e poder di piká den nos bida.
Lesa Revelashon 12:4-6, 9; Efesionan 5:25-27, 32; i Salmo 2:7-9 i definí e siguiente símbolonan:
Dragon...........................................................................................................
Muhé..............................................................................................................
Yu Hòmber .....................................................................................................
Bara di Heru ....................................................................................................
Den Beibel, un bara ta un símbolo di dominio òf soberania. Un bara di heru ta un símbolo di un soberania duradero, todopoderoso, invensibel. Hesus a enfrentá kada un tentashon ku nos ta eksperensiá, pero El a sali vensedó. Diabel ta un enemigu derotá. Kristu a triunfá riba dje den Su bida, morto i resurekshon. Pasobra Hesus ya a derotá diabel riba e krus di Kalvario, nos tambe porta viktorioso. E viktoria di Hesus riba Satanas tabata kompleto, pero e gran konflikto entre Kristu i Satanas no a kaba ainda.
Sin embargo, ora nos aseptá, pa medio di fe, loke Kristu a hasi pa nos, nos debe di piká ta kanselá i nos pikánan pordoná. Nos ta para perfekto dilanti di Dios, kubrí den e hustisia di Kristu. Manera Pablo ta skirbi tokante esaki, "Dios ta aseptá mi komo hustu no ta basá riba mi kumplimentu ku lei. Ma esei ta bini pa medio di fe den Kristu; esei ta bini di Dios i ta basá riba fe" (Fil. 3:9). Si nos ta pordoná, no tin nada ku por akusá nos di dje. Hesus a konkistá i a vense pa semper e pió kos ku piká i maldat por a hasiE. El a hasi e atake kompleto riba maldat i a vens'é. Ora nos aseptá Hesus pa medio di fe, Su viktoria ta di nos.
Di kon e siguransa di salbashon, pa motlbu di e vlktorla di Krlstu riba Satanas, ta asina krusial pa nos? Kon loke Pablo a skirbi den Filipensenan 3:9 por ta nos propio eksperensia?
9